المجموعة الخامسة

مرّت سنه

مرّ سنه وجات سنه
وانت وانا لسّه في خصام
والله حرام بعد الهنا
والشوق هنا تنسى الغرام

يعني اللي كان ويّاك ده إيه
وهم وخيال أو كان بجد
لو كان غرام ضاع بسّ ليه
ولاّ العناد فاق كلّ حد

عملت إيه قوللي بقى
حتى الفراق طال والبعاد
هوّ الغرام غلب وشقا
ولا انت بس غاوي العناد

معرفش ليه أصبح غريب
أمرك معايا يا قمر
ونا اللي كنت أقرب حبيب
وأقرب من العين للبصر

حبيت هواك وانت كمان
بادلتني نفس الشعور
راح فين بقى الحب والحنان
وليه ابتدا بينا الفتور
ساعات لوحدي يا جميل
بحتار وبتسائل كتير
إزاي وليه صار مستحيل
بينا الوصال فين الضمير

عد حبيبي

يا حبيبي آه لو تأتي إليّا
قبل أن تقضي الوشايات عليّا
يا أعزّ الناس في الدنيا لديّا
عد رجاءاً مثلما كنت نديّا

يا حبيبي بعد شوق ٍ دام عمري
ما الّذي تبغيه من صدي وهجري
هل من المعقول يا شمسي وبدري
أن تريد اليوم بعد الوصل هجري

يا حبيبي كنت أرجو أن تراعي
عهد حبي باندفاع ٍ واقتناع
ليس أن تسعى لما فيه ضياعي
دون عذرٍ يا حبيبي أو وداع

يا حبيبي إنظر الأيام تجري
في سكون ٍ دون أن أدري وتدري
هل من الإنصاف أن تجري بعمري
دون أن تدري بأحوالي وأمري
برضه عاشقك

مهما تزعل مهما تبعد
مهما تتقل مهما تعند
مهما تنسى ومهما تهجر
مهما تقسى ومهما تغدر
اللازمه
مش هلومك مش هعاتبك
ولاّ حتى في يوم هحاسبك
فيش بإيدي غير اسامحك
يا حبيب قلبي وصالحك

مهما توعد مهما تحلف
هتقابلني ثمّ تخلف
مهما أسمع من وشايه
عن برود قلبك معايا
اللازمه
مهما أشكي من جنونك
ولاّ أبكي من ظنونك
مهما يخدعني كلامك
عن هيامك وغرامك
اللازمه



مش هتقدر

يا حبيبي مهما تزعل
مش هتقدر تنسى حبي
برضه قلبك مهما يتقل
مش هيقدر يسلى قلبي

كلّ شيء في الدنيا جاير
يتنسي من ذكرياتك
كلّ شيء لو كنت عايز
إلاّ حبّ سنين حياتك

ياما قبلك حدّ فكّر
ينسى حبه الأوّلاني
مهما فكّر مش هيقدر
غيرش بس يفتكره تاني

فكرك انت بالبساطه
تبتعد وتعيش بدوني
ولاّ يلزم لك وساطه
حتى تفرح بيك عيوني

يا حبيبي والله رايدك
حتى لو ضيّعت عمري
مش هعاندك ولا كايدك
للكريم فوضت أمري
يا دنيا

يا دنيا غنّي وزغرتي
من بعد غربه وشوق طويل
عشان حبيبي ومهجتي
قرّب معاد وصله الجميل

يا قلبي قوم واصحى بقى
وافتح عيونك ع الحياه
بالحب والشوق واللقا
هتعود لمجراها المياه

يا قلبي طير وانسى الجراح
وافرد جناحك من جديد
بكره الوصال ومن الصباح
هيخلّي يومك أحلى عيد

يا قلبي غنّي للقمر
واملا الوجود حب وحنان
بلاش نلوم تاني القدر
ولاّ البشر ولاّ الزمان

يا قلبي من دلوقتي عيش
وافرح ونول كل المرام
ده من النهارده لأ مفيش
غير بسّ أفراح الغرام
مش هقول لك

مش هقول لك يا حبيبي
إن قلبي بيك متيّم
مش هقول لك لو لهيبي
ع الخدود أثّر وعلّم

مش هقول لك يوم بحبك
ياحبيب قلبي وعيوني
حتى أسمع قبله قلبك
يعترف لي بحب جنوني

مش هقول لك إنت روحي
وانت قلبي وانت عمري
مهما طال سهدي ونوحي
ولاّ طال وجدي وصبري

مش هقول لك إنّك انت
نور حياة قلبي وعينيّه
حتى لو معرفش إمتى
راح تحن وتخاف عليّه

يا حبيبي كنت ناوي
من زمان احكي وقول لك
بسّ قلبك شفته غاوي
ذلّي ببرودك وتقلك
كلّك ذوق

كلّك ذوق يا حبيبي
كلّك رقّه وحنيّه
كلّك ذوق يا نصيبي
من زمان لسنين جايّه

كلّك ذوق والذوق زوّق
أيامي عمري بغرامك
كلّك ذوق والذوق حقق
أحلام قلبي بهيامك


كلكّ ذوق يا مسلّيني
يا اللي بحسنك ساحرني
كلّك ذوق يا مهنّيني
يا اللي بحبك آسرني

كلّك ذوق بكلامك
لمّا تجيني وتحكيلي
كلّك ذوق بملامك
حتى ان جيت تشكيلي

كلّك ذوق وانت قاعد
تسمعني وتلاغيني
كلّك ذوق لمّا تواعد
وتجيني وتلاقيني

كلّك ذوق وانت غايب
وبتكتب في الجوابات
قدّ إيه قلبك دايب
م الأشواق والذكريا

مستني

قلبي الحزين يا حبيبي
مستني لحظة رجوعك
مستني م الشوق لهيبي
في الليل يقيد شموعك

مستني ترجع بقربك
أفراح غرامنا وهيامنا
مستني تمسح بحبك
أحزان فراقنا وخصامنا

يا نور عينيّه دخيلك
تعبت من طول بعادك
لو كان عليّه أجيلك
لو بسّ أعرف بلادك

معقوله قلبك صار ناسي
أجمل غرام في الدنيا دي
هوّ انت بالطبع قاسي
ولاّ المكابره شيء عادي

يا عمري إرجع وكفايه
ضيّعت قلبي وقلبك
لكلّ شيء حد ونهايه
حتى الملاوعه في حبك

نظرة ولمسه

نظرة عينيك البريئه
نسّتني ذلّي وهواني
لمسة إيديك الجريئه
هزّت وجودي وكياني

تقولش سحر في نظراتك
من غير إرادتي سباني
ولاّ الهوى في لمساتك
من غير درايتي رماني

بنظرتك يا حبيبي
ريحتني من عذابي
وبلمستك يا نصيبي
رجعتني لشبابي

بنظرتك فتّح قلبي
من بعد غفوه تقيله
وبلمستك نوّر دربي
من بعد ظلمه طويله

بنظرتك شفت الدنيا
حلوه وجميله في عينيه
وبلمستك عشت في ثانيه
في دنيا تانيه غير ديّه

بنظرتك شفت الطرحه
قدام عينيه بتلالي
وبلمستك عشت الفرحه
والدنيا صارت تحلالي

لو قلبي فكّر

لو قلبي فكّر وخبّى عنك
كان قلبي وفّر جراحه منك
إكمني عاشق تقلان عليّه
واكمني صادق بتشكّ فيّه

لأ يا حبيبي خلّيك في حالك
منتاش نصيبي لو مش ع بالك
معادش تنفع بينا المعادله
معادش تشفع إلاّ المقابله

معقوله أسهر عشان عيونك
وبات افكّر وعيش بدونك
إزاي هتنصف وازاي هترحم
من غير متعرف أو حتى تفهم

يا عمّ ياما قلبي شرح لك
في الحب كرامه مين كان سمح لك
تجرح شعوري من غير مناسبه
لو كان قصوري ملناش معاتبه

كان قلبي لك

كان قلبي لك وعقلي لك
وعمري كان بسنينه لك
كان عهدي لك ووعدي لك
وودي كان بصدقه لك
بسّ انت رحت من غير وداع
ونا اللي تهت في سنين ضياع

دلوقتي بس بعد السنين
للحيّ جاي مليان حنين
طب كنت فين أيام زمان
لمّا اشتكيت مرّ الهوان
وكنت فين لمّا الدموع
ع الخد سالت كالشموع

فكرك أنا هشتاق إليك
بعد الوداد مهان عليك
فكرك بنظره من عينيك
هرجع وهركع بين إيديك
لأ يا حبيبي فوق بقى
عهد الركوع راح والشقا

معرفش إيه خلاك تعود
غدر الزمان ولاّ الوجود
معرفش ليه حتى أنا
بعدت أصلا ً كام سنه
مهما العذر كان والسبب
ملّيت هواك إيه العجب

قبل المكابره

قبل المكابره والغرور
والهجر ليّّه والنفور
قبل الملاوعه والعناد
والغدر بيّه والبعاد

كنت الحبيب رمز الوفا
رمز المحبه والصفا
كنت النصيب لحن الغزل
لحن الموده والأمل

قبل الخصام قبل النوى
عشنا الغرام عشنا الهوى
بسّ العذول الله يجازيه
صعب عليه اللي احنا فيه

كان يجرى إيه لو ملت لي
ورجعت ليّه وقلت لي
مين غيري كان يسأل عليك
مين غيري كان يشتاق إليك

ظلمت روحك ليه كده
هوّ الغرام بالشكل ده
سمعت ليه بسّ للعذول
ونسيت غرامي والأصول

عدّيت عليه

عدّيت عليّه يا جميل
من بعد غربه وليل طويل
عدّيت عليّه من سكات
كأنّي لسّه في الشتات

لا رجعت ليك مليان حنين
ولا حلمت بيك طول سنين
رجعت ليه يعني أنا
إن كنت هتسيبني هنا
سنين ونا بشقى عشان
نقدر نعيش سوى بأمان
بسّ انت يا خساره نسيت
إني عشان خاطرك شقيت

غدرت بيّه وخنتني
وبعت حبي وبعتني
مكانش أولى تنتظر
لحدّ مرجع مقتدر

فضلت مال عني ودهب
لو بالحرام كان مكتسب
الله يسامحك ده الغريب
كان والله أرحم م الحبيب

معجزه

يا عمري حبك معجزه
في الوقت جاتني منقذه
من بعد ما قلبي كفر
بالحبّ والشوق والبشر

خليك معايا يا قمر
مهما الزمن طال والسفر
معادش فيّه اعشق وميل
من بعد حبك يا جميل
وهبت قلبي للغرام
والحب والشوق والهيام
حبيت كتير وشقيت كتير
لحدّ مرضيت في الأخير

ياما انظلم قلبي وتاه
في البحث عن حبه وهواه
حتى النصيب ولاّ القدر
بعث حبيبي المنتظر

حبك يا عمري كان منى
قلبي وروحي كام سنه
يا ريت يا أحلى حبّ كان
يا ريت قابلتك من زمان

كلّ ما اشكيلك

كلّ مشكيلك شجوني
يا حبيب قلبي وعيوني
تقسى وتغيب عنّي أكتر
حتى شوقي بقلبي يكبر

لأ مفيش يا عمري حاجه
للغياب عشان دي حاجه
مش هتفرق شيء معايا
مش هتنقص من هوايا
يا حبيبي مهما تتقل
ولاّ تهجر ولا تزعل
مش بإيدي يا حياتي
أنسى حبك وانت ذاتي

مش بإيدي حتى احاسبك
ولا الومك ولاّ اعاتبك
ده انت روحي وانت قلبي
وانت عشقي وانت حبّي

بسّ عايزك تفتكرني
يا حبيبي وتنتظرني
زي مقلبك كان يطالب
كلّ مرّه وكان يعاتب
فين زمانك

كلّ يوم يا نور عيوني
من بعيد بلمح عيونك
كلّ يوم وبشوق جنوني
بستعيد أيام وصالك

يا حبيبي من حنيني
واشتياقي عايز اجيلك
بسّ بين شكّي ويقيني
تاه سبيلي عن سبيلك

فين زمانك يا حبيبي
فين حنانك وحلاوتك
ليه كده خلّيت نصيبي
نار بعادك وقساوتك

يا حبيبي جمب منك
عشت أجمل وقت ليّه
بسّ وجدي وبعدي عنك
طيّر النوم من عينيّه

لو بإيدي كنت هنساك
زيّ مانت نسيت هوايا
إنّما وعشان بهواك
بنسى وجدي وطول شقايا

ضحكت الدنيا

ضحكت الدنيا حبيبي
وابتسم ليّه زماني
لمّا صار حبك نصيبي
والجمال خدني وسباني

ضحكت الدنيا لقلبي
يا حبيب قلبي وعيوني
والأمل نوّر ع دربي
بعد ما انزاحت ظنوني

ياما قلبي بات ليالي
يشتكي من نار غرامه
وانت خالي وغير مبالي
بانشغاله وهيامه

بسّ لمّا اشتأقت ليّه
والغرام داعب خيالك
من عبير الودّ فيّه
ألف مرسال مني جالك

يا حبيبي عيش معايا
للأبد واسعد بحبي
ده انت عشقي وهوايا
وانت نور عيني وقلبي

بلاش تقول

بلاش تقوللي بموت فيك
لمّا تلاغيني ولاغيك
يا ريت تقوللي بعيش بيك
لمّا تناجيني وناجيك

يا نور عيوني في زمانك
بعيش وبحيا في جنّه
من غير هواك أو حنانك
هوّ الوجود ده له معنى

ياما الزمان فات وعدّى
وانت وغرامك ع بالي
ياما الفؤاد بالمودّه
عاش وانتصر ع الليالي

يا نور عيوني غرامنا
قصه وحكايه جميله
هتعيش بشوقنا وهيامنا
مدى الليالي الطويله

متخافش يا نور عيوني
لسّه الغرام في البدايه
متخافش ده الشوق جنوني
والقلب مغرم للنهايه







ملكش حق

ملكش حق من أيّ حد تغير بجد
عشان هوايا وحبي لك ملهومش حد
ملكش حق غير بسّ من نفسك تغير
عشان لوحدك بعشقك وبكل ضمير

من منين تغير وليه تغير ونا بهواك
مغرم سنين وبنور جمالك وبهاك
حق القمر منك يغير قبل البشر
عشان جبينك لسّه أجمل م القمر

يا نور عيون قلبي أنا بشتاق إليك
من قبل حتى مالتقيك واعشق عينيك
في الحلم شفتك كلّ ليله وفي النهار
ياما وصل طيفك خيالي وياما زار

بعد الكلام ده يا قمر معقول تعيش
محتار وخايف واغلى من حبك مفيش
إفرح وفرّح ياقمر قلبي بلقاك
دي العيشه حلوه والنبي بسّ في حماك




كلّ ما اشتاق

كلّ ماشتاق لك حبيبي
ولاّ أحتاج لك شويّه
فجأه ألقاك يا حبيبي
من جديد قدّام عينيّه

هوّ إيه بسّ الشعور ده
ولاّ ده الإحساس يا ربي
حاسه سادسه ولا واحده
من آياتك جوّه قلبي

كلّ ما تخيّل وقوفك
جمب مني بتناجيني
بعد لحظه اسمع وشوفك
بتشاور لي وتناديني

كلّ ماحلم بيك وفتّح
ولاّ افكّر فيك دقيقه
قبل مصحا الحلم يصبح
جدّ قدامي وحقيقه

يا حبيبي في كلّ ثانيه
إنت أقرب ليّه مني
حتى وانت في ناحيه تانيه
مش هتبعد برضه عني
لو خطر ع البال خيالك
ولاّ زاد وجدي وشجوني
كنت هتجود لي بوصالك
قبل متغمض عيوني

أنت في قلبي

لا تقل لي يا حبيبي
أين تأوي أو تقيم
أنت في قلبي وعيني
طالما أحيا مقيم

لا تقل أين تغدو
أو تروح أو تهيم
طالما أنت الخليل
والحبيب والنديم

أينما كنت حبيبي
في بحارٍ أو قفار
أنت في فكري وعقلي
أنت في بيتي وداري

هل يغيب البدر يوماً
عن مسارٍ أو مدار
أو يصير اليوم ليلاً
دون ضوءٍ من نهار
لا تظنّن حبيبي
بعد هجرٍ أو فراق
سوف يخبو ما في قلبي
من لهيب الإشتياق

أنظر الساعة عمري
بعد هجرٍ وافتراق
كيف أنّ العقربين
يرجعان للتلاقي

نحن صنوان حبيبي
في الغرام والحنان
لم ير التاريخ حباً
مثلنا مدى الزمان

لست أبغي غير عيش ٍ
في سلام ٍ وأمان
دون ذل ٍ لكلينا
أو عذاب ٍ أو هوان






شايلك

شايلك في قلبي وصدري
مهما الزمان طال وعدّى
شايلك في عقلي وفكري
رمز الحنان والمودّه

حبّك في كفّه يا عمري
والكون ده كلّه في كفّه
حسنك فيه رقّه يا بدري
والظلّ برضه فيه خفّه

يا أغلى من روحي عندي
وأحلى م الدنيا ديّه
عهد عليّه يا وعدي
هفديك بقلبي وعينيّه

كرمال عييونك وقلبك
هبيع حياتي بلهفه
من غير غرامك وحبك
مقدرش اعيش لو للحظه

وحياة جمالك يا حبي
وسنين وصالك ده ليّه
هصون غرامك في قلبي
مهما الزمان عمل فيّه
يعني إيه

يعني إيه ملناش نصيب في بعضنا
يعني إيه حبّ السنين ضاع منّنا
فين نذورنا فين قسمنا وعهدنا
ليه كده بالعند غابوم عنّنا

يجرى إيه لو بسّ نتازل سوى
يجرى إيه لو كلّ واحد شويّه تاب
في الغرام والحبّ والشوق والهوى
مستحيل نحيا بدون شكوى وعتاب

يا حبيبي بصّ لي واسمع كلام
قلب عاشق من زمان هدّه الحنين
ليه تضيّع بالمكابره والخصام
حبّ عايش جوّه قلبي من سنين

يا حبيبي لوعنادك زاد وطال
والفراق أصبح نصيبنا للأبد
برضه صورتك هتقابلني في الخيال
ده الخيال سلطان لذاته مش لحد
مش هقول لك بكره هنساك يا جميل
والزمن هوّ الكفيل والمستعان
طول مقلبي ونبضه عايش مستحيل
لو للحظه أنسى حبك مهما كان

من غير معاد

من غير معاد بينا وخبر
صدفه تقابلنا يا قمر
على الطريق وحنا في سفر
كان أحلى يوم واحلى قدر

لحظة لقاك قلبي انبهر
قلبي انسحر قلبي انأسر
لحظة لقاك قلبي انغمر
بالحبّ والود كالمطر

ياما انكوى قلبي وصبر
ياما انشغل بك وانتظر
ياما اشتكى ياما انكسر
م الوجد والشوق والسهر

يا نور عيوني ما خطر
ع البال اشوفك في السمر
زيّ النسيم لمّا انتشر
فوق الروابي والشجر

خدني الهوى بالمختصر
لمّا القمر بصّ ونظر
ياما الهوى ع الناس أمر
من قبل مني وانتصر
إن كنت قاصد

إن كنت قاصد بالكلام
يا نور عيون قلبي الخصام
أو كنت قاصد بالملام
بسّ الملاوعه في الغرام

اتقل وخاصم يا جميل
وازعل كمان من غير دليل
أمّا أنا بالمستحيل
أعشق وحب بعدك وميل

هنده عليك واسأل عليك
واتمنى أحيا بين إيديك
هشتاق إليك واحتاج إليك
مهما بعدت وحياة عينيك

مش كلّ يوم في حال أنا
تروح هناك وجيك هنا
هوّ الغرام سعد وهنا
ولاّ الغرام بعد وضنا

تعّبت قلبي ليه بهواك
ضيعّت عمري ليه بجفاك
إكمني عشقان نور بهاك
تحرم عيوني من لقاك
عيناك

عيناك في كلّ مكان ومكان
تلاحقانني وفي كلّ أوان
أكوكبان حول قلبي يلمعان
أم نيزكان حوله يشتعلان؟

عيناك يا نور حياتي زورقان
بين الجمال والخيال تبحران
كم تسعدان القلب حين تدنوان
وكم تؤرقانه لو تنأيان

عيناك ما أصلهما فيروزتان
ياقوتتان أم ترى لؤلؤتان
من تاج سلطان أتت أو صولجان؟
لا بل هما معجزتا هذا الزمان

عيناك يا حبيبتي رمز الحنان
رمز الوداد والغرام والأمان
أيّا تكونان فحتى الهذيان
قد أوصلاني ألهذا تسعيان؟





غريبه

أنت اللي زعلان غريبه
ده نا اللي من حقي أزعل
وانت اللي تقلان عجيبه
أنا اللي من حقي أتقل

مين فينا بس هوّ الغلطان
مين فينا بس هوّ القاسي
أنا اللي قلبي سنين عشقان
ولاّ اللي قلبه سنين ناسي

لو قلت لك حاجه في قلبي
مش ممكن أكتر تتأجل
تزعل قوي وتقول حبي
معادش خالص زي أوّل

لو جيت اصالحك في الهاتف
بتقفل السكه في وشي
ولو بقى شفتك واقف
على الرصيف قوام تمشي

فين راح كلامك يا عمري
عن المحبه والإخلاص
إزاي بثانيه ومن بدري
أصبح كلام بدون إحساس
فين الغرام اللي ياما
حكيت لي عنه بروّيه
دلوقتي كلّ الملامه
في الحبّ صارت عليّه

لو يوم حصل وجرحتك
من غير مقلبي كان قاصد
ياما انجرحت وسامحتك
مع إن جرحك كان جامد

أنت في عقلي

أنت في عقلي وقلبي
في سهادي أو منامي
منذ أن هيّجت حبي
واشتياقي واحترامي

يا حبيبي سل دموعي
بعد أن جفّت لديّا
كيف أنمت في ضلوعي
حبّك الغالي عليّا

هل رأى الحب حبيبي
عاشقا مثلي شغوفا
بعد أن صرت نصيبي
صرت عن أمسي عزوفا
من صباح ٍ لمساء
دائم التفكير عقلي
لست أرجو من سمائي
غير أن تصبو لوصلي

لم أعش من قبل حباً
هائجاً كالبحر فيّا
لم أجد في الناس قلباً
صافياً كالمزن ليّا

يا إلاهي صن غرامي
من عيون الحاسدينا
واحمني واحفظ هيامي
من قلوب الحاقدينا

أقرأ في عينيك

أقرأ في عينيك يا حبيبتي
أشياء لا أفهم حقاً أمرها
عشقٌ وشوقٌ ما بدا لي يا ترى
أم أننّي أجهل أيضاً سرّّها

يا حلوتي بالرغم من عشقي لها
فالعين قد تخفي بخبث ٍ غدرها
كم من عيون ٍ خلتها شفافةً
لكنّها أخفت بقصد ٍمكرها
وكم سواها غازلت وأوقعت
في الحبّ قلبي حين ألقت سحرها
لكنّه منها جميعاً لم ينل
رغم الوعود الكثر إلاّ أسرها

كيف أعي من بعد هذا كنهها
وكيف لي أن أجيدنّ سبرها
كم من معان ٍ مبهماتٍ حولها
كالموج تهوي ثمّ تعلو بحرها

لو كان شوقاً ما أراه أو هوىً
فالحقّ يقضي أن تجافي كبرها
أمّا أنا فالعشق أمرٌ واقعٌ
سيّان أبدت حلوها أم مرّها

حينما هيّجت قلبي

لست أدري يا حبيبي
حينما هيّجت حبي
صرت حقاً من نصيبي
أم ترى ضيّعت عمري

كيف تسعى لوداعي
قبل أن تأتي لوصلي
كيف ترضى بخداعي
بعد أن أصبحت خلّي
ما الّذي تخشاه مني
لا تخف قل ما تشاء
إن حكى العذّال عني
قل لهم هذا هراء

قد وعدت القلب عشقاً
فيه ودٌ وحنان
لو بحق ٍ قلت صدقاً
ما غزا قلبي الهوان

هل تظنّ الحبّ وعداً
كاذباً دون اشتياق
أم ترى قد صار عهداً
للرياء والنفاق

كلّ ما أرجوه قلباً
صادقا قولاً وفعلا
لست أرجو منك حباً
زائفا أصلا ً وشكل










أريد الوصال


اريد الوصال فقط يا حبيبي
لإن الفراق سقامي ودائي
أريد الوصال أجل يا طبيبي
ففيه دوائي وفيه شفائي

فجد لي بوصل ٍ سريع ٍ يداوي
عذابي ووجدي وقلبي العليلا
فوالله ما العيش شيئاً يساوي
إذا لم أجد للوصال سبيلا

حبيبي تعال فما لي سواكا
وما لي حياةٌ بغير هواكا
فإمّا نعيش معاً في حماكا
وإمّا أموت وأفنى فداكا

حبيبي وإن طال هجري سنينا
ما تخلّيت عن هواك ثواني
وإن بتّ ليلي وحيداً حزينا
ما تمنّيت أن تعيش هواني

حبيبي أغثني وخفف عذابي
حبيبي أعنّي على سوء حالي
فقد ضاع عمري وضاع شبابي
بهجرٍ طويلٍ يفوق احتمالي

صدّقيني

صدّقيني لو حقيقي بتعشقيني
أهجريني وابعديني عن عيونك
صدّقيني أتركيني واهمليني
حتى لو ضاعت سنين عمري بدونك

صدّقيني لمّا اقولك إنت عمري
وانت أجمل شيء حصل لي في حياتي
صدّقيني لمّا اقولك إنت بدري
وانت شمسي في الوجود ده وانت ذاتي

صدّقيني عشق قلبي لك مانعني
من ضياع عمرك وحسنك جمب مني
بسّ قلبك يا حياتي مش سامعني
مهما اقول لك أو أعيد لك مش فاهمني

كلّ محكي لك وقرّب فكري منك
تزعلي لي وتشتكي لي من جحودي
رغم إني مستحيل يبعدني عنك
غير غرام قلبي اللي أغلى من وجودي

يا حياتي نفسي اضمك نفسي اشيلك
جوّه قلبي وجوّه صدري وفي عيوني
يا حبيبي نفسي احبك نفسي اجيلك
بسّ خايف ع الجمال ده من جنوني

صباح الحب

صباح الحب يا أحلى حب وهب ربي
صباح الحب يا أغلى حب ملك قلبي
صباح الحب يا أطيب قلب صباح النور
عدد رملات عدد موجات تلال وبحور

صباح الحب على الحلوين صباح الورد
صباح الحب على العاشقين صباح السعد
صباح الحبّ من قلبي صباح نادي
صباح الحبّ من روحي صباح هادي

صباح الحبّ يا عنيّه صباح الخير
صباح الحبّ مع أنغام يمامه وطير
صباح الحبّ يا شمسي ويا بدري
يا أغلى عندي من نفسي ومن عمري

صباح الحبّ والأشواق إلى عيونك
صباح الحبّ من مشتاق إلى فنونك
صباح الحبّ والعرفان على ظرفك
على حبك على حسنك على لطفك

اللي بريدك

اللي بريدك ريده
وبإيدك حط إيده
واللي بعيبك سيبه
لا تلومه ولا تعيبه

بالحبّ قلبك ملّيه
معطاء دايما خلّيه
مهما الناس راح تقسى
بكره الناس راح تنسى

يا عم طوّل بالك
حتى تروق أحوالك
ليه بتزعل ع الفاضي
ليه بتتقل متراضي

يا عمّ ارضى وصالح
يا عمّ اهدا وسامح
لو حتى كنت مظلوم
أو مرّه كنت محروم

يا عم هالعالم فيه
أحزان والله تكفّيه
ليه نزيدها ونقيدها ليه
هيفيدنا ده بسّ بإيه
يا عم ازرع دربك
بالحب وافتح قلبك
حتى الدنيا تضحك لك
والناس ديّه تفرح بك

معقول تخون

معقول تخون قلبي الوفي
اللي بهواك عاش مكتفي
ده كان هواك حبّي الكبير
أوّل غرام ليّه وأخير

إرحم بقى وخلّيك رؤوف
خليّك حنون زيّي وعطوف
ليه بس تسيبني للعذاب
من بعد ما ولّى الشباب

يا نور عيوني ليه الوصال
صار مستحيل بينا ومحال
هوّ اللي كان عشق وغرام
ولاّ اللي كان حلم في منام

يا نور عيون قلبي أنا
شوف غبت عنّي كام سنه
من غير مكالمه أو جواب
لو حتى كان همسة عتاب
معقول خلاص في البعد هان
حبّي اللي كان شعلة حنان
معقول خلاص الودّ راح
ويّا العواصف والرّياح

ازّاي هعيش من غير هواك
من غير وصالك ولقاك
وازاي هنام وازاي هقوم
من غير مشوفك كلّ يوم

هنيّالي

هنيّالي على حبك هنيّالي
هنيّالي على قلبك هنيّالي
هنيّالي على لطفك يا أحلى حب
هنيّالي على ظرفك يا أطيب قلب

هنيّالي على قصة هواك ليّه
هنيّالي على فرصة لقاك بيّه
هنيّالي على وعدك تصون حبي
هنيّالي على عهدك تكون جمبي

هنيّالي على أجمل حبيب في الكون
حبيب بوجوده صار للدنيا طعم ولون
هنيّالي على وصلك وأشواقك
هنيّالي على نبلك وأخلاقك
هنيّالي على أجمل حياه ويّاك
بلا أحزان ولا أشجان عشان بهواك
هنيّالي على فنك يا نور العين
هنيّالي على حسنك يا حلو وزين

هنيّالي وبتمنى السلام للناس
بدون تمييز ولا تفريق بين الأجناس
هنيّالي وبترجى الهنا والسعد
لكلّ الناس بكلّّ الحب وكلّ الود

والله القدر

والله القدر ليّه ابتسم
لمّا القمر بالوصل جاد
والله النصيب ليّه انقسم
لمّا الحبيب من تاني عاد

والله بهواك عمري ابتدا
بعد الأسى بعد الضنا
والله بلقاك قلبي اهتدا
للحب والنور والهنا

حتى الأمل في الناس رجع
من بعد ما كان راح وخاب
من بعد ما قلبك سمع
وجد وأنين قلبي اللي داب
نوّرت قلبي يا قمر
بنور جمالك وبهاك
حرّرت قلبي م الضجر
بذوق كلامك ولغاك

الله عليك يا أحلى حب
يا اللي انت جيتني في المعاد
الله عليك يا أغلى قلب
يا اللي انت نسّيتني السهاد

الله عليك يا مهجتي
يا فرحتي ويا بسمتي
الله عليك يا بهجتي
يا منيتي ويا قسمتي

حبي وغرامي

حبّي وغرامي كالمطر
وكالعواصف والرّياح
لو بسّ ترجع يا قمر
وتعوّض العمر اللي راح

يا نور عيون قلبي أنا
بعدت ليه عنّي كده
هوّ الغرام هجر وضنا
ولاّ البعاد بالشكل ده
أيّام زمان وحنا سوى
عشنا بأمان عشنا بحنان
من غير معانده أو جوى
أو نار ملاوعه أو هوان

أيّام زمان لمّا الغرام
قرّب وجمّع شملنا
عشنا بمودّه وانسجام
رغم العواذل حولنا

بسّ النّهارده للأسف
فضلت وحدي في المكان
معادش فيك ذاك الشغف
أو حتى شوق أيام زمان











بين بحر أزرق

بين بحر أزرق ورمل أصفر
بين عشب أخضر وورد أحمر
ويّاك يا عمري بعيش وبسهر

يا نور عيوني بحب وبعشق
جمال عيونك عشان دي أعمق
من المحيط ده والبحر الازرق

والرمل الاصفر جميل وناعم
ع الشط راسي سنين ونايم
والقلب سارح معاك وهايم

والعشب الاخضر بساط يا عمري
بالودّ والحب مفروش ومغري
عشان نعدّي عليه ونجري

والورد الاحمر يا حلو يا اسمر
جميل وفتح بديع ونوّر
غير بسّ حسنك يا حلو أكتر




عندك مانع

عندك مانع يا نور عيوني
أحبّ واعشق نور جمالك
عندك مانع بشوق جنوني
أشوف بقلبي طيف خيالك

عندك مانع يا عمّ احبك
وموت في حبك طول حياتي
عندك مانع أعيش بقربك
لو حتى قلبك جار يوماتي

عندك مانع أجاري نفسي
وخلّي سيرتك شغل عمري
عندك مانع أداري يأسي
وخبّي صورتك جوّه صدري

عندك مانع أعيش عشانك
وصون غرامك مهما تزعل
عندك مانع أقول حنانك
هيكون نصيبي مهما تتقل

عندك مانع أنسى القرايب
عشان عيونك يا حبيبي
عندك مانع أسلى الحبايب
لو حتى قلبك مش داري بي
عندك مانع يا عمّ تنصف
قلبي اللي عايش عشان عيونك
من غير عيونك حتى تعرف
إن كنت هقدر أعيش بدونك

بفضل حبك

بفضل حبك حياتي أفضل
وعمري أحلى وزماني أجمل
بفضل قلبك وعشق قلبك
نوّر وفتح في القلب حبك

بفضل حسنك ونور جمالك
برقص وغنّي في ليل وصالك
بفضل ظنك وحسنه فيّه
أيّام حياتي بقت هنيّه

بفضل صدقك وذوق كلامك
من غير ملاوعه بعيش غرامك
وبفضل عشقك م الهمّ خالي
مرتاح بفكري مرتاح ببالي

بفضلك انت نسيت عذابي
ونسيت ضياعي وضياع شبابي
ولاجلك انت هعيش حياتي
يا عشق عمري وكنه ذاتي
يسلم لي حبك

يا نور عيوني بحبك
من كل قلبي وبقول لك
يسلم لي حبك وقلبك
يسلم لي ضيّك وظلك

من بعد ما كنت خالي
وكنت مرتاح بفكري
ملكت قلبي وخيالي
بنور جمالك يا عمري

للحبّ سلمت أمري
والحب أوامره مجابه
في القلب شيلتك يا بدري
والقلب مغرم صبابه

بهواك وبعشق عيونك
والعشق سيطر عليه
بهواك وصدّق بدونك
مقدرش اعيش لو لثانيه

شمس النهار حته منك
ونور جمالها مرايتك
والبدر غار واحكى عنك
والدنيا عرفت حكايتك
بكلّمك

أرجوك متزعلش مني
لو قلت لك غصب عني
بكلّمك كلّ ساعه
أو حتى كل نصّ ساعه

كلمة بحبك للعشاق
بتصبّر القلب المشتاق
هيّه اللي بتريّح قلبي
هيّه اللي بتنور دربي

مقدرش وحياة غرامك
مسمعش أنغام كلامك
مقدرش اخبي وداري
شوقي وحنيني وناري

بحبّ أسمع تمللي
همسة شفايفك تقوللي
إنت غرامي ومنايا
وانت هيامي وهنايا

مشبعش انا يا حبيبي
من قول حياتي وحبيبي
مشبعش انا من عيونك
وحتى من نار جنونك
يا حبّ عمري

يا حبّ عمري يا قمر
يا منوّر الليل والسهر
بهواك وبعشق نور عينيك
مهما انحكى وتقال عليك

بلاش نقول ونعيد كلام
عذّال وحساد للغرام
بلاش نشمتهم بنا
وحياة حبيبنا وربنا

يا نور عيون قلبي الأمين
بشتاق إليك وفي كلّ حين
بشتاق إليك رغم الفتن
في السرّ أو حتى العلن

طول ما انت جمبي يا جميل
ميهمنيش أي قال وقيل
ميهمنيش غير حبي ليك
وعشقي ليك ووصلي بيك

عشان عيونك يا قمر
هقف قصاد كلّ البشر
ولاجل حبّك يا قمر
هركب ع موجات الخطر
ده الموت حياه عشان هواك
والعيشه موت من غير لقاك
عشان كده ويّاك هعيش
قصة غرام مبتنتهيش

نصيبي الصدود

بشتاق إليك يا حبيبي
بشتاق وبعشق جمالك
بسّ الصدود كان نصيبي
مش السعاده بوصالك

يا نور عيوني الموّده
مفروض تنوّر دروبنا
مفروض بقوّه وبشدّه
ع الحبّ تجمع قلوبنا

أمّا الغرور والمكابره
ع الحبّ والعشق نقمه
برضه النفور والمثابره
ع الصدّ ملهومش لزمه

مش قادر اصدق ضميرك
مرتاح وراضي بهواني
من بعد ما كان مصيرك
مرهون بحبي وحناني
ده الحب والعشق جنّه
حلوه وجميله في عينيّه
دول مش مجامله ومنّه
من ايّ حد أو هديّه

قدّ المجرّه

قدّ المجرّه والمطر
والتلج ع الأرض والشجر
بعشق جمالك يا قمر
يا منوّر الكون والبشر

يا نور عيوني مستحيل
أوصف حبيب قلبي الجميل
مهما انحكى ومهما قيل
عليك شويّه وبيك قليل

لو قلت لك حبي الكبير
قد البحار واكبر كتير
صدّق عشان قلبي الصغير
مغرم صبابه وبضمير

صدّق كمان لو قلت لك
بعشق هواك وبعشقك
من قبل حتى معرفك
وشوف جمالك واسمعك
بالقلب شفتك والخيال
قبل الموده والوصال
في الحسن والزين والجمال
مكانش لك في الناس مثال

ولمّا شفتك في الصباح
والخد نوّر بان ولاح
قلت الربيع بالعطر فاح
بعد العواصف والرياح

أخرجي

يا من عشقت عذابي
ولم يزدك عتابي
سوى الحنين لهجري
أو اللجوء لقهري

يا من قتلت ودادي
بالكبر أو بالعناد
يا من سرقت مراحي
بالسهد حتى الصباح
اللازمه
هيّا اخرجي من كياني
ومن سنين زماني
هيّا اخرجي من ضلوعي
ومن سيول دموعي
اللازمه
هيّا اخرجي من فؤادي
ومن مروج ودادي
هيّا اخرجي من خيالي
ومن جنان وصالي
اللازمه
يا من هواك سراب
وبلقعٌ وضباب
يا من جفاك طويل
والملقى فيه قتيل
اللازمه
يا من أضعت حياتي
من بعد ما كنت ذاتي
يا من غرورك غطى
كل الكواكب سخطا
اللازمه
يا من عشقت هواكي
وكان فيه هلاكي
يا من حسبتك روحي
فصرت ضمن جروحي
اللازمه
يا من وهبتك حبي
وعشق عمري وقلبي
كيف استبحت دمائي
ومهجتي ووفائي
اللازمه
أحب هواك

أحب هواك ففيه جنون
وفيه خيالٌ وفيه فنون
بغير هواك حياتي تهون
بغير رضاك أنا لا أكون

أميل إليك ولا أستكين
ويحمل شوقي إليك السكون
أغار عليك وسوف أصون
غرام حياتي فدتك العيون

حبيبي يضجّ ويعلو الحنين
وبين الضلوع غرام دفين
حبيبي لقد مسّ عندي الأنين
عنان السماء وأنت المعين

حبيبي تمرّ وتجري السنين
وقلبي أسير العذاب سجين
فقل لي حبيبي وأنت الفطين
لماذا بأمري فقط تستهين




جاي تعمل ايه

جاي تعمل ايه دلوقتي بس
لمّا الزمن بالعمر راح
وجايّ ليه دلوقتي بص
تلج المشيب في الشعر لاح

طب كنت فين من كام سنه
لمّا الشباب بالعطر فاح
لمّا الهنا كل الهنا
كان من نصيبي والنجاح

جاي تعمل ايه بعد السنين
مجرّحت قلبي كمان
هوّ الزمان ولا الحنين
خلوا الحياه ماشيه بأمان

يا عمّ والله مصدقك
بكلّ كلمه عن هواك
ونا الحقيقه بعشقك
بعشق جمالك وبهاك

بس الجمال ده يا قمر
من حقّ حد غيري تمام
مش حقّ حد زيّي انكسر
من قبل منك في الغرام
مقدرش اسمح للغرور
عن الحقيقه يمنعك
مقدرش حتى لو تثور
أرضى لغروري يخدعك

متقولش عنك يا جميل
إن انت مش قدّ المقام
حتى اللي زيّك مستحيل
نلقى المثيل له في الغرام

حبك بعث

وحياة غلاوتك يا قمر
حبك بعث فيّه الحياه
زيّ المطر لمّا غمر
أرض الصحاري بالمياه

حبك بعث واحيا الأمل
بالحبّ تاني والبشر
حتى الربيع ويّاك وصل
لمّا الخريف كان منتظر

حبك يا عمري كان مراد
قلبي المتيّم من زمان
ياما انتظر همسة وداد
ياما انتظر لمسة حنان
بسّ الحقيقه لمّا جيت
يا نور عيون قلبي أنا
عمّرت جوّه القلب بيت
بالسعد عمران والهنا

كلّ العذاب راح وانقضى
بنظره منك نلتها
حتى الهوان قبلك مضى
بكلمه واحده قلتها

كلمة بحبك يا جميل
بكلّ صدق نطقتها
ونا الحقيقه مستحيل
غير بسّ اقول صدّقتها











رغم بعدي

نفسي اقولك يا حياتي
رغم بعدي عن عيونك
مستحيل حتى مماتي
تسعد الأيام بدونك

نفسي اقولك إنّ قلبي
لسّه مغرم بيك يا عمري
نفسي اقولك إنّ حبي
لسّه عايش جوّه صدري

بسّ هجرك كان ضروري
يا حبيب قلبي وعينيّه
حتى ترتاح من فتوري
ومن ظروفي الصعبه ديّه

يا حبيبي مش هتقدر
للأسف تفهم غرامي
مهما اصوّر أو أعبر
عن حنيني وعن هيامي

فكرك اني خنت قلبك
بعد ما اتعلقت بيّه
فكرك اني بعت حبك
بعد ما تشوقت ليّه
يا حبيبي والله أفضل
ليّه أفنى من خداعك
حتى أهون ليّه واسهل
تنتقدني من ضياعك

يا حبيبي صدّق انك
راح تكون دايما ع بالي
راح تعيش مع سوء ظنك
جوّه قلبي وفي خيالي

يعني إيه

يعني إيه مفيش أمل
نرجع سوى زيّ زمان
يعني أيه مهما انعمل
ولاّ انحكى فاتنا الآوان

هوّ اللي بينا كان ده إيه
كدب وخداع ولاّ غرام
إن كان ده كدب كدبت ليه
مش كنت تمشي والسلام

معقول يا ناس حبّ السنين
كده بسهوله يتنسي
أحبّ مين وميل لمين
من بعد ما قلبك قسي
وهبت لك قلبي بعشق
وملت لك من غير حدود
وهبت لك حبي بصدق
وخدت إيه غير الجحود

لو كنت غلطان يا قمر
مليش عليك همسة عتاب
بسّ انت واخد ع السفر
مهما الزمن طال والغياب

المجموعة الرابعة

متزعلش

متزعلش يا حبيبي
غصب عني رايح اسيبك
رغم حبك كان نصيبي
رغم حاجه لم تعيبك

والله حبك عشق عمري
يا حبيب قلبي وعينيّه
بسّ آه لو جيتني بدري
لمّا كان عمري في إيديّه

يا حبيبي م البدايه
خفت تزعل من فتوري
خفت تفهم لي الحكايه
إني بتقل من غروري

آه لو تعرف يا حبي
قدّ إيه بعشق جمالك
قدّ ايه مغرم وقلبي
قدّ إيه محتاج وصالك

بسّ قلبي لسّه خايف
ع الغرام ده م الليالي
والليالي مانت عارف
جرحها لسّه في خيالي
متفهمنيش غلط

أرجوك متفهمنيش غلط
لو قلت لك إني فقط
بهوى الكرامه في الغرام
أكتر من القول والكلام

يا عمّ انا مقدرش اعيش
قصة عذاب مبتنتهيش
يا عمّ انا بهواك صحيح
والحب عندي شيء صريح

بسّ المعامله باحترام
أفضل من الشوق والهيام
مش ده الكلام اللي انحكى
مرات كتيره وتنسى

يا عمّ مهما قلت لك
بهواك وحتى حلفت لك
معقوله ترضالي الهوان
من بعد ما اديتك حنان

هوّ الغرام يا عمّ إيه
إن كنت مش حتخاف عليه
إن كنت مش حتحسّ بيه
أو حتى مش ناوي تراعيه
يا عمّ فكر من جديد
بلاش تزيد همي وتقيد
رغم المحبه مستحيل
بالشكل ده أعشق وميل

والله الهوى

والله الهوى ليّه انكتب
لمّا الهوى فعلا ً وجب
بعد النصيب مكان بعيد
بعد الحبيب مكان عنيد

كلّ الجوى كلّ الأسى
عند اللقا راح واتنسى
يا خساره بس على السنين
اللي انقضت وجد وحنين

كان يجرى إيه لو بدري جيت
وعشت جمبي في أحلى بيت
حتقوللي إيه وتعيد ليه
هوّ الغرور كان فاد بإيه

مش عايز اعاتبك ع الهوان
مش عايز احاسبك مهما كان
عشان وصالك يا جميل
لو كان تأخّر بالقليل
أفضل وأجمل م النوى
والحرقه والشوق والجوى
يا نور عيوني بشكرك
ع كلّ حال وفكرك

لو كان وصالك مستحيل
أوعند قلبك كان طويل
حصبر وداري يا قمر
مهما البعاد طال واستمر

إيّاك تصدّق

لو قلت لك خلاص نسيت
عهد الهوى ومن زمان
لو قلت لك كمان لقيت
بعدك غرام حبّ وحنان

إيّاك تصدّق مهما قلت
ومهما عدت حتى ان حلفت
إيّاك تصدّق مهما كنت
مغرور بنفسي أو زعلت

متفتكرش يا قمر
نسيان غرامك شيء بسيط
لو حتى فرّقنا القدر
بألف صحرا أو محيط
مقدرش أنساك يا جميل
رغم البعاد من غير سبب
بسّ الحقيقه مستحيل
أرفع وشيل عنك عتب

عملت إيه يعني بلقاك
غير انّي حبيتك كتير
غير انّي قلت لك هواك
بغير عليه وحفضل أغير

هوّ الغرام عندك كده
وجد وعذاب حزن وألم
ولاّ الهيام في الوقت ده
أصبح سراب يأس وندم

مكانش العشم

مكانش العشم والله
يا حبيبي تتخلى
عن حبي وغرامي
وعشقي وهيامي

ونا اللي رعيت حبك
ونويت أعيش جمبك
ده نا ياما وقفت معاك
وسهرت ليالي ارعاك

مكانش العشم تزعل
يا حبيبي أو تتقل
عليّه بلا دافع
أو حتى سبب شافع

مكانش العشم تهجر
يا حبيبي أو تغدر
بقلبي اللي عايش ليك
وفكري اللي مشغول بيك

مكانش العشم تقسى
يا حبيبي أو تنسى
حناني وحنيني
وزماني وسنيني

نفسي اجيلك

يا حبيبي نفسي اجيلك
وفي عيوني نفسي اشيلك
نفسي افرح بيك وخلي
قلبي هيمان بيك تمللي

بس كبرك ذلّ قلبي
رغم عشقي لك وحبي
رغم إنك يا حياتي
حبّ عمري وسرّ ذاتي

يا حبيبي خود زماني
خود وجودي خود كياني
حتى مني خود سلامتي
بس لا تجرح كرامتي

هوّ في في الدنيا أغلى
م الكرامه ولاّ أحلى
دي الكرامه صوت ضميرنا
اللي حيقرر مصيرنا

يا حبيبي مش هاممني
غيرش إنك مش فاهمني
ليه تعذبني بكبرك
ليه تغلبني بهجرك

لو حقيقي كنت عاشق
كنت شاري وكنت صادق
كنت تقدر برضه تنصف
ولاّ حتى شويّه تعطف





بحبّ دايماً

بحب دايماً أجيب في سيرتك
وحطّ قدّام عينيّه صورتك
بحبّ أصحى ونام يا عمري
وانت في خيالي كمان وفكري

بحبّ أسهر وبات افكّر
بنور جمالك وقول وصوّر
معاك تمللي بكل مشاعري
بكل عواطفي وكل خواطري

بحبّ اقولك يا نور عيوني
حبّك غمرني بشوق جنوني
بحبّ اقول لك سعيد بوصلك
من يوم ما شفتك وقلبي مال لك

بكلّ ثانيه معايا طيفك
وفي كل ناحيه منايا اشوفك
ده انت اللي حبك سحر فؤادي
وانت اللي قلبك أسر ودادي

يا عمري والله فداك حياتي
فداك زماني وبرضه ذاتي
يا عمري والله بموت في حبك
ونفسي أحيا وعيش بقربك
لو كنت

لوكنت جد بتحبني
وكنت حق بتودني
لو كنت عاشق يا جميل
وكنت صادق لو قليل

مكانش وصلك مستحيل
والبعد عني صار طويل
مكانش حتى بات جريح
قلبي اللي كان ويّاك صريح

لو حسّ قلبك بالجوى
والوجد والشوق م النوى
لو بسّ حسّيت يا قمر
بالسهد مرّه والضجر
اللازمه
لو كنت زي قلبي وفي
مخلص وبيك بس مكتفي
لو كنت برضك منفتح
ع الحب وقلبك منشرح
اللازمه
لو كنت فعلا ً في الغرام
ملكش في اللوم والخصام
أو كنت أصلا ً ملتزم
بالحبّ زيّي ومنسجم
اللازمه

يا قلبي

يا قلبي قوم وافرح بقى
وانسى العذاب وانسى الشقا
بعد الحبيب مطال جفاه
قرب وحان معاد لقاه

يا قلبي قوم وارقص كمان
واملا الحياه حب وحنان
برش تفكر في اللي فات
فكر وركز باللي آت

يا قلبي قوم وقول حعيش
عشان خلاص أحزان مفيش
ده الفرح عاد والسعد ساد
لمّا الحبيب بالوصل جاد

يا قلبي قوم وطير لفوق
وافرد جناح من بعد شوق
هو الوجود كان يسوى إيه
من غير حبيبي نرتاح إليه

يا قلبي قوم وابعت سلام
بالحبّ مفعم والغرام
ابعت سلام لحيينا
وللحبايب زيينا

والله القمر

والله القمر نوّر وبان
للكون جماله والبشر
لمّا القمر قرب وحان
معاد رجوعه من السفر

أهلا ً بنورك يا قمر
هلّيت عليّه في المعاد
من بعد حيره وطول سهر
للقلب فرحه والله عاد

يا نور عيوني مستحيل
دلوقتي حاجه تبعدك
بالروح يا روح قلبي الجميل
والقلب برضه حسعدك

يا عمري يا حبي أنا
يا اللي انت أجمل م الجمال
شفت الهنا وياك هنا
من بعد ما عزّ الوصال

شكرا يا عمري يا أمل
قلبي المتيّم من زمان
مهما الزمان في الناس عمل
في القلب دايماً لك مكان

لو قلت لك

لو قلت لك نسيت وداد
أيام زمان ونسيت هواك
إيّاك تصدّق ده الفؤاد
والروح كمان عايشين معاك

وان قلت لك بعد النوى
معادش ليل سهدي طويل
إيّاك تصدّق ده الهوى
في القلب قايد للجميل

بسّ انت حس وافهم بقى
بلاش نقول ونعيد كتير
لو يوم رضيت ليّه الشقا
مرضاش غرام من غير ضمير

بهواك أنا مهما شكى
منك فؤادي وانكوى
بهواك أنا مهما حكى
عنك عذول أو حد وشى
يا نور عيوني مهما طال
بينا البعاد ومهما صار
في القلب صورتك والخيال
مشغول بسيرتك ليل نهار

لا تسلني

يا حبيبي لا تسلني
ما الذي ينتاب قلبي
حين تنأى عن عيوني
لا تسلني بل أعنّي
قبل أن أشكوك ربّي
رغم حبّي وجنوني

يا حبيبي لست أدري
ما الذي تبغيه مني
حين تنأى أو تجافي
قد وهبت الحب عمري
بيد أن البعد عني
كان حظي لا التصافي

يا حبيبي عد إليّا
وابق عندي ما تبقى
من حياتي وسنيني
كيف لا تحنو عليّا
بعد أن أصبحت أشقى
كل يوم ٍ من حنيني

يا حبيبي ضقت ذرعاً
بالأماني الكاذبات
دون ان ترجو وصالي
كم رويت الأرض دمعا
في الليالي الحالكات
دون أن ترثو لحالي

أرجوك

متقولش أرجوك نسيتك
ونسيت غرامك وحبك
ونا اللي أصلا ًهويتك
وفضلت ويّاك وجمبك

بس الغرور يا حبيبي
والكبر قسوك عليه
مع إني ظنيت نصيبي
ويّاك هيطول شويه

يا نور عيوني عشانك
نسيت صحابي وقرايبي
مع إني قلت بحنانك
حتسد مسد كل حبايبي

هو الغرام في الزمان ده
صار أيّ حاجه والسلام
إن كان كده م النهارده
الله الغني عن ده الغرام

والله الغرام عندي أجمل
من أي حاجه في حياتي
من غير غرام لسهّ أفضل
من طول حياتي مماتي

يا قلبي طوف

يا قلبي طوف ويّا الحبيب
واسمع وشوف أجمل غرام
بعد العذاب جالنا النصيب
والحلم صار جد يا سلام

يا قلبي عيش وافرح بقى
وطير ورفرف في الفضا
مهما العذاب طال والشقا
ويّا الحبيب راح وانقضى

يا حب عمري يا قمر
يا اللي الزمان ويّاك جميل
دلوقتي لمّا الشوق أمر
معادش وصلك مستحيل
دلوقتي بس وحنا سوى
حضن الهوى هيضمنا
دلوقتي بس من غير جوى
هنعيش سنين مع بعضنا

دلوقتي بس محتاج اقول
قف يا زمان بلاش تدور
حتى الغرام والشوق يطول
أيام كتيره بل عصور

إبعد وروح

ابعد وروح وغيب سنين
وانسى الغرام وانسى الحنين
أمّا أنا حفضل أنا
مهما العذاب طال والضنا

مقدرش ماشتاقش إليك
أو حتى أزعل يوم عليك
ده الحبّ والشوق يا جميل
م القلب شيلهم مستحيل

يا عمّ تقدر تفتري
وتبيع غرامي وتشتري
بسّ الغرام هوّ الغرام
والحبّ عندي والهيام
يا عمّ قلبي في الهوى
مخلص ولو طال النوى
يا عمّ حتى لو تغيب
مليون سنه برضك حبيب

يا عمّ عندي الحب جد
مش أي كلام يتقل لحد
في القلب دايما راح يعيش
كالسيل وبرضه راح يجيش

بشتاق لك

من بعيد بشتاق لك انت
يا حبيب عمري وزماني
من بعيد بنده لك امتى
من جديد هتعود لي تاني

يا حبيبي نفسي اشوفك
نفسي اضمك بين إيديه
يا حبيبي خلّي طيفك
ع القليل يسأل عليّه

مهما تزعل يا حبيبي
ومهما تتقل قلبي مغرم
حتى لو طوّل نحيبي
وقاد لهيبي مش هيندم

ده انت روحي وانت عمري
وانت حب قلبي الجنوني
وانت شمسي وانت بدري
مهما تبعد عن عيوني

بسّ آه لو مرّه تفتح
يا حبيبي ليّه قلبك
حتى أعرف ليه بتجرح
بالبعاد قلبي اللي حبك

طال بعادك

يا حبيبي طال بعادك عن عينيّه
رغم إنك والله أغلى الناس عليّه
يا حبيبي يجرى إيه لو يوم شويّه
حسّ قلبك بالحنين ورجعت ليّه

ده الخصام والهجر بينا مهما طوّل
لسّه حبك جوّه قلبي زيّ أوّل
حتى حبك كلّ يوم عمّال بيكبر
والحنين عمّال يزيد اكتر وأكتر

يا حبيبي فكرك انّي حنسى حبك
فكرك انّي حقسى زيّك آه يا قلبك
إنسى واقسى يا حبيبي للنهايه
بس هقول لك يا حبيبي م البدايه

بكره لمّا الشوق يهزّك يا حبيبي
راح تجرّب نار عذاب قلبي ولهيبي
ليه بتنسى ليه بتقسى مين هيسمع
في الليالي شكوتك وإيه هيشفع

لست أدري

لست أدري يا حبيبي
كيف تغفو في الليالي
دون وجدٍ أو شجونٍ
أو حنينٍ للوصال
اللازمه
أي عهدٍ يا حبيبي
خنته حتى أعاني
من بعادٍ دون حق ٍ
أو عذابٍ أو هوان

لست أدري كيف تصحو
كلّ يوم في الصباح
راغباً في العيش دوني
بلا وهاوٍ للمزاح
اللازمه
لست أدري كيف تقضي
وقتك العادي المملا
دون أن تسعى لوصلٍ
يبعث الحبّ الأهما
اللازمه
لست ادري كيف تلهو
في الليالي وتسامر
ثمّ تغفو كالرضيع
ثمّ تصحو كي تفاخر

يا ريت تقوللي

يا ريت تقوللي يا قمر
لمّا الحبيب ينسى الحبيب
ذنب الغرام ولاّ البشر
ولاّ احنا فيك ملناش نصيب

يا ريت تقوللي انت ليه
خلّيت سهاد عيني طويل
هو احنا يعني قلنا إيه
حتى البعاد طال يا جميل

لمّا انت مش قد الغرام
خليتني احبك بسّ ليه
ولاّ الغرام عندك حرام
ولا انت عايز مني إيه

يا عمّ حتى لو سراب
الحب عندك قول كده
عشان خلاص ملّيت عذاب
هوّ الغرام بالشكل ده

حبّيت هواك لحظة لقاك
وكان هواك عشقي الوحيد
بسّ بجفاك ونار هواك
قلبي انكوى وعاش شريد

نفسك تقوللي

نفسك تقوللي بحبك
وتعيدها ليّه تمللي
بس الغرور اللي في قلبك
هوّ اللي مانعك تقوللي

يا عمّ قرّب وصارح
بلاش تضيّع شبابي
يا عمّ جرّب وفاتح
حرام تطوّل عذابي

يا عمّ والله في عيونك
شايف المحبه والأشواق
بس من شكوكك وظنونك
كابت المشاعر في الأعماق

معرفش ليه بسّ خايف
من المصارحه يا عمري
من ناحيتي مانت عارف
هواك في قلبي وفكري


يا عمّ نفسك تحكيلي
عن ليل سهادك واشجانك
نفسك تجيني وتشكيلي
عن نار غرامك واحزانك

ملناش نصيب

ملناش نصيب في الحب يا ناس
ملناش نصيب
بعد الحنين والشوق سنين
باعني الحبيب
خلاص بقى ملناش أمل
في الحب يا ناس
بعد الشقا مكان وصار
هوّ الأساس

يا دنيا إيه صار للبشر
حتى القلوب
معادش تعرف بعضها
غير بالحروب
هوّ الغرام يا ناس حرام
ولاّ الفلوس
هيّه اللي صارت تشتري
حتى النفوس

يا دنيا فين عهد الهوى
والحبّ راح
ليه الوفا أصبح جفا
والشوق جراح
معقول مزايا الحبّ راحت
واختفت
والناس خلاص بس بالمصالح
اكتفت

إن كان كده خلاص بقى
أفضل نتوب
بلاش نضيع ونتوه كمان
بلاش ندوب
يعني الغرام لو كان عذاب
هيفيد بإيه
ولاّ الحبيب لو عاش غريب
هيجيلنا ليه





مرّت سنه

مرتّ سنه وجات سنه
وانت وانا لسّه في خصام
والله حرام بعد الهنا
عهد الغرام راح والهيام

يعني اللي كان ويّاك ده إيه
وهم وخيال أو كان بجد
لو كان غرام ضاع بسّ ليه
ولاّ العناد فاق كلّ حد

عملت إيه قوللي بقى
حتى الفراق طال والبعاد
هوّ الغرام غلب وشقا
ولا انت بس غاوي العناد

معرفش ليه أصبح غريب
أمرك معايا يا قمر
وانت اللي كنت أقرب حبيب
أقرب من العين للبصر

حبّيت هواك وانت كمان
بادلتني نفس الشعور
راح فين بقى كل ّ الحنان
وليه ابتدا بينا الفتور
ساعات لوحدي يا جميل
بحتار وبتسائل كتير
إزاي وليه صار مستحيل
بينا الوصال فين الضمير

عد حبيبي

يا حبيبي آه لو تأتي إليّا
قبل أن تقضي الوشايات عليّا
يا أعزّ الناس في الدنيا لديّا
عد رجاءاً مثلما كنت نديّا

يا حبيبي بعد شوق ٍ دام عمري
ما الّذي تبغيه من صدي وهجري
هل من المعقول يا شمسي وبدري
أن تريد اليوم بعد الوصل هجري


يا حبيبي كنت أرجو أن تراعي
عهد حبي باندفاع ٍ واقتناع
ليس أن تسعى لما فيه ضياعي
دون عذرٍ يا حبيبي أو وداع

يا حبيبي إنظر الأيام تجري
في سكون ٍ دون أن أدري وتدري
هل من الإنصاف أن تجري بعمري
دون أن تدري بأحوالي وأمري
فين الطرب

ليه يا زمان عهد الجمال
من الوجود راح والخيال
حتى الطرب أصبح محال
لمّا انكتب لولاد عيال

فين الهيام فين الغرام
فين المعاني في الكلام
فين الأغاني يا حرام
دي بهزّتين تتقال قوام

فين الطرب بتاع زمان
معادش له بينا مكان
دلوقتي بس والله الجنان
عمّال يكسر بالودان

أيام زمان مش أي حد
غنى وقال أطرب بشر
مش أي حد ترك بجد
على القلوب بصمه وأثر

دلوقتي أي واحد بقول
عن نفسه سيد المطربين
فكره بغنوه راح ينول
حبّ البشر والمعجين

أيام زمان كان مستحيل
في المغنا يظهر صوت جديد
إلاّ إذا كان صوت جميل
ملوهش بالصيت والرصيد

برضه الكلام مش ده الكلام
اللي انكتب أيام زمان
ولا الغرام هوّ الغرام
ولا الحنان نفس الحنان

المغنا كان حلو وجميل
والفن كان مشغول بحب
حتى القلوب جيل بعد جيل
حافظه الكلام عن ظهر قلب

معقول خلاص الفن راح
والمغنا راح ويّا الرياح
معقول خلاص حتى الصياح
أصبح غنا واصبح مباح





من زمان

من سنين يا نور عيوني
وحنا من بعدك غلابه
من سنين والشوق جنوني
والفؤاد مغرم صبابه

من سنين والقلب صابر
ع الفراق من غير ملامه
من سنين والقلب ناطر
كلمه منك أوعلامه

بسّ لمّا نسيت عنادك
يا حبيبي وكبر قلبك
فرحت الدنيا بودادك
والحياه احلوّت بقربك

يا حبيب قلبي ونصيبي
بعد ما هلّيت عليّه
طفّى وصلك نار لهيبي
والدموع سابت عينيّه

قلت مش معقول يا عمري
تحرم العين من جمالك
هوّ عمري راح يا بدري
يستمر من غير وصالك
يا حبيبي تحت ظلك
اتنسيت جرحي ووجدي
حتى إنّي بعد وصلك
التقيت فرحي ووعدي

متزعلش

متزعلش يا حبيبي
غصب عني رايح اسيبك
رغم حبك كان نصيبي
رغم حاجه لم تعيبك

والله حبّك عشق عمري
يا حبيب قلبي وعينيّه
بسّ آه لو جيتني بدري
لمّا كان عمري في إيديّه

يا حبيبي م البدايه
خفت تزعل من فتوري
خفت تفهملي الحكايه
إنّي بتقل من غروري

آه لو تعرف يا حبي
قدّ إيه بعشق جمالك
قدّ ايه مغرم وقلبي
قدّ إيه محتاج وصالك
بسّ قلبي لسّه خايف
ع الغرام ده م الليالي
والليالي مانت عارف
جرحها لسّه في خيالي

متفهمنيش غلط

أرجوك متفهمنيش غلط
لو قلت لك إني فقط
بهوى الكرامه في الغرام
أكتر من القول والكلام

يا عمّ انا مقدرش اعيش
قصة عذاب مبتنتهيش
يا عمّ انا بهواك صحيح
والحب عندي شيء صريح

بسّ المعامله باحترام
أفضل من الشوق والهيام
مش ده الكلام اللي انحكى
مرات كتيره وتنسى

يا عمّ مهما قلت لك
بهواك وحتى حلفت لك
معقوله ترضالي الهوان
ونا اللي عاشقك من زمان
هوّ الغرام يا عمّ إيه
إن كنت مش هتخاف عليه
وان كنت مش هتحسّ بيه
أو حتى مش ناوي تراعيه

يا عمّ فكر من جديد
بلاش تخلّي النار تقيد
رغم المحبه مستحيل
بالشكل ده أعشق وميل

والله الهوى

والله الهوى ليّه انكتب
لمّا الهوى فعلا ً وجب
كلّ الجوى كلّ الأسى
عند اللقا راح واتنسى

يا خساره بس على السنين
اللي انقضت وجد وحنين
كان يجرى إيه لو بدري جيت
وعشت جمبي في أحلى بيت

هتقوللي إيه وتعيد ليه
هوّ الغرور كان فاد بإيه

مش عايز اعاتبك ع الهوان
مش عايز احاسبك مهما كان
ليه بسّ نبكي ع اللي فات
خلينا نفرح باللي آت

وصلك يا روح قلبي الجميل
لو كان تأخّر بالقليل
أفضل وأجمل م النوى
والحرقه والشوق والجوى

يا نور عيوني بشكرك
ع كلّ حال وفكّرك
لو كان وصالك مستحيل
وعند قلبك كان طويل

كان قلبي ناوي يا قمر
مهما البعاد طال واستمر
يصبر ويستناك هنا
لو حتى غبت مليون سنه

إيّاك تصدّق

لو قلت لك خلاص نسيت
عهد الهوى ومن زمان
لو قلت لك كمان لقيت
بعدك غرام حبّ وحنان

إيّاك تصدّق مهما قلت
ومهما عدت حتى ان حلفت
إيّاك تصدّق مهما كنت
مغرور بنفسي أو زعلت

متفتكرش يا قمر
نسيان غرامك شيء بسيط
لو حتى فرّقنا القدر
بألف صحرا أو محيط

مقدرش أنساك يا جميل
رغم البعاد من غير سبب
بسّ الحقيقه مستحيل
أرفع وشيل عنك عتب

عملت إيه يعني بلقاك
غير انّي حبيتك كتير
غير انّي قلت لك هواك
بغير عليه وهفضل أغير

هوّ الغرام عندك كده
وجد وعذاب حزن وألم
ولاّ الهيام في الوقت ده
أصبح سراب يأس وندم

مكانش العشم

مكانش العشم والله
يا روح قلبي تتخلّى
عن حبي وغرامي
وعشقي وهيامي

ده نا ياما وقفت معاك
وسهرت ليالي ارعاك
وياما رعيت حبك
وواسيت عذاب قلبك

مكانش العشم تزعل
يا حبيبي أو تتقل
عليّه بلا دافع
أو حتى سبب شافع

مكانش العشم تهجر
يا حبيبي أو تغدر
بقلبي اللي محتاج لك
وفكري اللي مشغول بك

مكانش العشم تقسى
يا روح قلبي أو تنسى
زماني وزمانك
حناني وحنانك
نفسي اجيلك

يا حبيبي نفسي اجيلك
وفي عيوني نفسي اشيلك
نفسي أفرح بيك وخلّي
عمري كلّه ليك تمللي

بسّ كبرك ذلّ قلبي
رغم عشقي لك وحبي
رغم إنك يا حياتي
حبّ عمري وسرّ ذاتي

يا حبيبي خود زماني
خود وجودي خود كياني
حتى مني خود سلامتي
بسّ لا تجرح كرامتي

هوّ إيه في الدنيا أغلى
م الكرامه ولاّ أحلى
دي الكرامه صوت ضميرنا
اللي هيقرر مصيرنا

يا حبيبي مش هاممني
غيرش إنك مش فاهمني
ليه تعذبني بكبرك
ليه تغلبني بهجرك

لو حقيقي كنت عاشق
كنت شاري وكنت صادق
كنت تقدر برضه تنصف
ولاّ حتى شويّه تعطف

بحبّ دايماً

بحب دايماً أجيب في سيرتك
وحطّ قدّام عينيّه صورتك
بحبّ أصحى ونام يا عمري
وانت في خيالي كمان وفكري

بحبّ أسهر وبات افكّر
بنور جمالك وقول وصوّر
معاك تمللي بكل مشاعري
بكل عواطفي وكل خواطري

بحبّ اقولك يا نور عيوني
حبّك غمرني بشوق جنوني
بحبّ اقول لك سعيد بوصلك
من يوم مشفتك وقلبي مال لك

بكلّ ثانيه معايا طيفك
وفي كل ناحيه منايا اشوفك
ده انت اللي حبّك سحر فؤادي
وانت اللي قلبك أسر ودادي

يا عمري والله فداك حياتي
فداك زماني وبرضه ذاتي
يا عمري والله بموت في حبّك
ونفسي أحيا وعيش بقربك

لو كنت

لوكنت جد بتحبّني
وكنت حق بتودّني
لو كنت عاشق يا جميل
وكنت صادق لو قليل

مكانش وصلك مستحيل
مكانش هجرك صار طويل
مكانش حتى بات جريح
قلبي اللي كان ويّاك صريح

لو حسّ قلبك بالجوى
والوجد والشوق م النوى
لو بسّ حسّيت يا قمر
بالسهد مرّه والضجر
اللازمه
لو كنت زي قلبي وفي
مخلص وبيك بس مكتفي
لو كنت برضك منفتح
ع الحب وقلبك منشرح
اللازمه
لو كنت فعلا ً في الغرام
ملكش في اللوم والخصام
أو كنت أصلا ً ملتزم
بالحبّ زيّي ومنسجم
اللازمه

يا قلبي

يا قلبي قوم وافرح بقى
وانسى العذاب وانسى الشقا
بعد الحبيب مطال جفاه
قرب وحان معاد لقاه

يا قلبي قوم وارقص كمان
واملا الحياه حب وحنان
بلاش تفكر باللي فات
فكر وركّز باللي آت

يا قلبي قوم وقول هعيش
عشان خلاص أحزان مفيش
ده الفرح عاد والسعد ساد
لمّا الحبيب بالوصل جاد

يا قلبي قوم وطير لفوق
وافرد جناح من بعد شوق
هو الوجود كان يسوى إيه
من غير حبيب نرتاح إليه

يا قلبي قوم وابعت سلام
بالحبّ مفعم والغرام
ابعت سلام لحيينا
وللحبايب زيينا

والله القمر

والله القمر نوّر وبان
للكون جماله والبشر
لمّا القمر قرّب وحان
معاد رجوعه من السفر

أهلا ً بنورك يا قمر
هلّيت عليّه في المعاد
من بعد حيره وطول سهر
للقلب فرحه والله عاد

يا نور عيوني مستحيل
دلوقتي حاجه تبعدك
بالروح يا روح قلبي الجميل
والقلب برضه هسعدك
يا عمري يا حبي أنا
يا اللي انت أجمل م الجمال
شفت الهنا وياك هنا
من بعد ما عزّ الوصال

شكرا يا عمري يا أمل
قلبي المتيّم من زمان
مهما الزمان في الناس عمل
في القلب دايماً لك مكان

لو قلت لك

لو قلت لك نسيت وداد
أيام زمان ونسيت هواك
إيّاك تصدّق ده الفؤاد
والروح كمان عايشين معاك

وان قلت لك بعد النوى
معادش ليل سهدي طويل
إيّاك تصدّق ده الهوى
في القلب قايد للجميل

بسّ انت حس وافهم بقى
بلاش نقول ونعيد كتير
لو يوم رضيت ليّه الشقا
مرضاش غرام من غير ضمير
بهواك أنا مهما شكى
منك فؤادي وانكوى
بهواك أنا مهما حكى
عنك عذول أو حد وشى

يا نور عيوني مهما طال
بينا البعاد ومهما صار
في القلب صورتك والخيال
مشغول بسيرتك ليل نهار

لا تسلني

يا حبيبي لا تسلني
ما الذي ينتاب قلبي
حين تنأى عن عيوني
لا تسلني بل أعنّي
قبل أن يزداد كربي
من حنيني وظنوني

يا حبيبي لست أدري
ما الذي تبغيه مني
حين تنأى أو تجافي
قد وهبت الحبّ عمري
بيد أن البعد عني
كان حظّي لا التصافي

يا حبيبي عد إليّا
وابق عندي ما تبقى
من حياتي وسنيني
كيف لا تحنو عليّا
بعد أن أصبحت أشقى
كل يوم ٍ من حنيني

يا حبيبي ضقت ذرعاً
بالأماني الكاذبات
دون أن ترجو وصالي
كم رويت الأرض دمعا
في الليالي الحالكات
دون أن ترثو لحالي

أرجوك

متقولش أرجوك نسيتك
ونسيت غرامك وحبك
ونا اللي أصلا ًهويتك
وفضلت ويّاك وجمبك

بسّ الغرور يا حبيبي
والكبر قسّوك عليّه
مع إني ظنيت نصيبي
ويّاك هيطول شويه

يا نور عيوني عشانك
نسيت صحابي وقرايبي
مع إنّي قلت بحنانك
حتسد مسد كل حبايبي

هو الغرام في الزمان ده
صار أيّ حاجه والسلام
إن كان كده م النهارده
الله الغني عن ده الغرام

والله الغرام عندي أجمل
من أيّ حاجه في حياتي
من غير غرام لسهّ أفضل
من طول حياتي مماتي

يا قلبي طوف

يا قلبي طوف ويّا الحبيب
واسمع وشوف أجمل غرام
بعد العذاب جالنا النصيب
والحلم صار جد يا سلام

يا قلبي عيش وافرح بقى
وطير ورفرف في الفضا
مهما العذاب طال والشقا
ويّا الحبيب راح وانقضى
يا حبّ عمري يا قمر
يا اللي الزمان ويّاك جميل
دلوقتي لمّا الشوق أمر
معادش وصلك مستحيل

دلوقتي بس وحنا سوى
حضن الهوى هيضمنا
دلوقتي بس من غير جوى
هنعيش سنين مع بعضنا

دلوقتي بس محتاج اقول
قف يا زمان بلاش تدور
حتى الغرام والشوق يطول
أيام كتيره بل عصور

إبعد وروح

إبعد وروح وغيب سنين
وانسى الغرام وانسى الحنين
أمّا أنا هفضل أنا
مهما العذاب طال والضنا

مقدرش مشتاقش إليك
أو حتى أزعل يوم عليك
ده الحبّ والشوق يا جميل
م القلب شيلهم مستحيل
يا عمّ تقدر تفتري
وتبيع غرامي وتشتري
بسّ الغرام هوّ الغرام
والحبّ عندي والهيام

يا عمّ قلبي في الهوى
مخلص ولو طال النوى
يا عمّ حتى لو تغيب
مليون سنه برضك حبيب

يا عمّ عندي الحبّ جد
مش أي كلام يتقال لحد
في القلب دايما راح يعيش
عشان ده جد مبينتهيش

بشتاق لك

من بعيد بشتاق لك انت
يا حبيب عمري وزماني
من بعيد بنده لك امتى
من جديد هتعود لي تاني

يا حبيبي نفسي اشوفك
نفسي اضمك بين إيديه
يا حبيبي خلّي طيفك
ع القليل يسأل عليّه
مهما تزعل يا حبيبي
ومهما تتقل قلبي مغرم
حتى لو طوّل نحيبي
وقاد لهيبي مش هيندم

ده انت روحي وانت عمري
وانت حب قلبي الجنوني
وانت شمسي وانت بدري
مهما تبعد عن عيوني

بسّ آه لو مرّه تفتح
يا حبيبي ليّه قلبك
حتى أعرف ليه بتجرح
بالبعاد قلبي اللي حبك

طال بعادك

يا حبيبي طال بعادك عن عينيّه
رغم إنك والله أغلى الناس عليّه
يا حبيبي يجرى إيه لو يوم شويّه
حسّ قلبك بالحنين ورجعت ليّه

ده الخصام والهجر بينا مهما طوّل
لسّه حبك جوّه قلبي زيّ أوّل
حتى حبك كلّ يوم عمّال بيكبر
والحنين عمّال يزيد اكتر وأكتر
يا حبيبي فكرك انّي هنسى حبك
فكرك انّي هقسى زيّك آه يا قلبك
إنسى واقسى يا حبيبي للنهايه
بس هقول لك يا حبيبي م البدايه

بكره لمّا الشوق يهزّك يا حبيبي
راح تجرّب نار عذاب قلبي ولهيبي
ليه بتنسى ليه بتقسى مين هيسمع
في الليالي شكوتك وإيه هيشفع

لست أدري

لست أدري يا حبيبي
كيف تغفو في الليالي
دون وجدٍ أو شجونٍ
أو حنينٍ للوصال
اللازمه
أي عهدٍ يا حبيبي
خنته حتى أعاني
من بعادٍ دون حق ٍ
أو عذابٍ أو هوان

لست أدري كيف تصحو
كلّ يوم في الصباح
راغباً في العيش دوني
بلا وهاوٍ للمزاح
اللازمه
لست أدري كيف تقضي
وقتك العادي المملا
دون أن تسعى لوصلٍ
يبعث الحبّ الأهما
اللازمه
لست ادري كيف تلهو
في الليالي وتسامر
ثمّ تغفو كالرضيع
ثمّ تصحو كي تفاخر

يا ريت تقوللي

يا ريت تقوللي يا قمر
لمّا الحبيب ينسى الحبيب
ذنب الغرام ولاّ البشر
ولاّ احنا فيك ملناش نصيب

يا ريت تقوللي انت ليه
خليت سهاد عيني طويل
هو احنا يعني قلنا إيه
حتى البعاد طال يا جميل

لمّا انت مش قد الغرام
ميّلت قلبي ليه إليك
ولاّ الغرام عندك حرام
حتى بسهوله هان عليك

يا عمّ حتى لو سراب
الحب عندك قول كده
عشان خلاص ملّيت عذاب
هوّ الغرام بالشكل ده

حبيت هواك لحظة لقاك
وكان هواك عشقي الوحيد
معرفش ليه خليت جفاك
حظ ونصيب قلبي الشريد

نفسك تقوللي

نفسك تقوللي بحبك
من بدري بدري وتمللي
بس الغرور اللي بقلبك
هوّ اللي مانعك تقوللي

يا عمّ قرب وصارح
بلاش تضيّع شبابي
يا عمّ جرب وفاتح
حرام تزوّد عذابي

يا عمّ والله في عيونك
شايف المحبه والأشواق
بسّ المخاوف وظنونك
كابته المشاعر في الأعماق

يا عمّ والله بريدك
والحب راسخ في قلبي
بسّ المكابره هتفيدك
بإيه عشان ارضى بغلبي

يا عمّ نفسك تحكيلي
عن ليل سهادك واشجانك
نفسك تجيني وتشكيلي
عن نار غرامك واحزانك

ملناش نصيب

ملناش نصيب في الحب يا ناس
ملناش نصيب
بعد الحنين والشوق سنين
باعني الحبيب
خلاص بقى ملناش أمل
في الحب يا ناس
يبدو الشقا في الحبّ صار
هوّ الأساس

يا دنيا إيه صار للبشر
حتى القلوب
معادش تعرف بعضها
غير بالحروب
هوّ الغرام يا ناس حرام
ولاّ الفلوس
هيّه اللي صارت تشتري
حتى النفوس

يا دنيا فين عهد الهوى
والحب راح
ليه الوفا أصبح جفا
والشوق جراح
معقول مزايا الحبّ راحت
واختفت
والناس خلاص بس بالمصالح
اكتفت

إن كان كده خلاص بقى
أفضل نتوب
بلاش نضيع ونتوه كمان
بلاش ندوب
يعني الغرام لو كان عذاب
هيفيد بإيه
ولاّ الحبيب لو عاش غريب
هيجيلنا ليه

المجموعة الثالثة

يا بتاع الغرام

يا عمّ يا بتاع الغرام
يا اللي الغرام عندك كلام
فكرك بكلمه أو سلام
هتنول قوام منّي المرام

خلّيك صريح قوي وجد
وانسى الغزل لو حتى شهد
عشان أنا مش أيّ حد
تقدر عليه وبدون جهد

يا عمّ لو كنت الأمير
وكنت انا انسان فقير
متفتكرش في القصور
تبقى السعاده والسرور

يا عمّ لو كنت الكبير
ولك نفوذ ع الناس كتير
متفتكرش بالحرير
هتخلّي قلبي لك أسير

يا عمّ لو كنت الجمال
وكنت صاحب جاه ومال
ملكش أي حق بالوصال
إلاّ برضى الله والحلال
رؤيا

يا حبيبي شفت رؤيا
من سنين عدّت عليه
قال أخيرا همت بيّه
يا حبيبي وعدت ليه

بسّ يا خساره تلاشت
في الهوى كلّ الأماني
حتى لو عادت وجاشت
هفتكر أيام هواني

يا حبيبي العمر عدّى
وانت قلبك غير مبالي
ده انت هتكون بعد مدّه
من حياتي برضه خالي

يا حبيبي كنت ناوي
أوهبك عمري وحياتي
بسّ قلبك لسّه غاوي
نار عذابي وصوت آهاتي

يا حبيبي خاف ع نفسك
من عذاب الله في حقي
لو صدق قلبك وحسّك
من زمان حسّيت بصدقي
لولاك

لولاك أنا كان من زمان
قضّيت سنين عمري بهوان
معاك وبس عشت بحنان
عشت بسعاده وبأمان

لولاك أنا كان مستحيل
أعشق وحب أو حتى اميل
ده انت الأنيس وانت الجميل
وانت الجليس والليل طويل

لولاك أنا شفت العذاب
والفرح كان وهم وسراب
لولاك هنا كان قلبي داب
والحزن ولّى بالشباب

يا أحلى حب شفته وغرام
واغلى شوق عشته وهيام
من قلبي لك على الدوام
أجمل كلام واجمل سلام



لا يا حبيبي

يا حبيبي لم أكن بالمذنب
كي ألاقي مثل هذا الغضب
يا حبيبي لم أجد من سبب
كي أعاني من سياط اللهب

إنّما أنت العطاء والرجاء
مثلما أنت الصفاء والوفاء
فالخصام يا حبيبي والإباء
يخبوان عندما يدنو اللقاء

يا حبيبي حينما تحظى العيون
بالتقاء كل شيء قد يهون
فالعذاب والسهاد والظنون
سوف ينسى كلّها حتى الجنون

يا حبيبي حبنا بعد الفراق
رائع عند الوصال والتلاقي
فالحنين للغرام والعناق
يستحث القلب دوما للوفاق






متلومنيش

لو يوم نسيتك متلومنيش
أو يوم سليتك متلوميش
بعد الخداع اللي شفته
بعد الضياع اللي عشته
حتى ان كرهتك متلومنيش

بهواك سنين بس يا خساره
حبك سقاني مرّ الكاس
بهواك ولكن في الحاره
شمّت فيه كلّ الناس

مليش نصيب إلاّ بصدّك
وظلم قلبك وحبّك
مفيش أمان ليّه في بعدك
أو حتى جمبك وقربك

مغرور قوي وده خلاّك
تخون وعود قلبك ليّه
تقلان قوي وده نسّاك
تصون عهودك يا عنيّه

ملكش حق مرّه تحاسب
ونا اللي بشكي وبتألم
ملكش حق حتى تعاتب
ونا اللي ببكي وبتندم

إزّاي تلوم قلبي العاشق
وانت بجفاك بتعذّبني
وازاي تلوم حبي الصادق
وانت بهواك بتغلّبني

يا اللي هواك

يا اللي هواك على بالي
وليل نهار في خيالي
يا اللي القمر في الأعالي
غار من بهاك في الليالي

يا ريت تطمّن فؤادي
عشان غرامك مرادي
يا ريت تهوّن سهادي
وتصون هيامي وودادي

بشتاق إليك والشوق جبّار
خلّى الفؤاد شريد محتار
بسأل عليك ليل ويا نهار
أهل الهوى وأهل الدار

لو طال جفاك مش هتحايل
لو زاد قساك مش هتنازل
عشان أكيد راح نتبادل
أجمل غرام يوم نتقابل

عشت الهوى

من غير جوى أو يوم نوى
عشنا الهوى والشوق سوى
ده حنا هنا من كام سنه
شفنا الهنا عشنا المنى

لو كان غياب بينا وخصام
بالحبّ يخلص والوئام
وان كان عتاب بينا وملام
برضه الغرام هوّ الغرام

لو كان بحار بينا وبلاد
أو كان وهاد ولاّ نجاد
أول معاد بعد البعاد
كلّ العناد هيصير وداد

حبّك وطن واغلى وطن
رغم المحن رغم الفتن
ويّاك أمن قلبي الزمن
وياك سكن جنة عدن

مش هلومك

مش هلومك مش هعاتبك
يا حبيبي ومش هحاسبك
بس هقول لك سيب طريقي
طول محبّك غير حقيقي

ده الغرام بين الأحبّه
حب وشوق مش بسّ غربه
والزمان وحده اللي قادر
يطفي نار قلبي اللي صابر

بعد أكتر من محاوله
يا حبيبي ومن مجادله
لسّه قلبك مش فاهمني
مش سامعني ومش راحمني

كل ما اشكي لك غرورك
يا حبيبي زاد نفورك
مهما سامح مهما صالح
لسّه كبرك ليّه جارح




ليه نلوم

ليه نلوم الزمن والكون والوطن
لو شفنا المحن أو عشنا الفتن
ليه نلوم القدر والشمس والقمر
لو قلب البشر أصبح كالحجر

مش ذنب الزمن بنعيش المحن
ونشوف الفتن
مش ذنب القدر راح حبي وهجر
وبيّه غدر
من غدرك سنين يا روحي اشتكى
فؤادي وبكى
من هجرك سنين صار قلبي الحزين
في الغربه سجين

مليش يا زمن عليك أي ملام
أو حتى كلام
وانت يا قدر مفيش أي غبار
عليك مهما صار

حق قلبي عليك يا اللي بنور عينيك
خلّيتني في ايديك
حق قلبي عليك ياللي اشتاقت ليك
وتعشّمت فيك

كان حبي بريء ولا كان جريء
حتى راح غريق
كان قلبي وديع ولا كان مطيع
حتى بات صريع

كنت اعرف منين غرامك يا زين
أبعد م القمر
كنت اعرف منين دموعك يا عين
راح تسقي الشجر
هنسى حبك

زي مقلبك نسيني
هنسى حبّك يا حبيبي
زي مأشجاك أنيني
بكره هتجرّب لهيبي

الوداع لك يا اللي عمري
ضاع بطول هجرك وبعدك
الوداع لك يا اللي صدري
ضاق بنار غدرك وعندك

بعد ما ضيّعت حبي
فكرك انت راح تنوله
بعد ما تعّبت قلبي
لسه عندك شيء تقوله
صنت ودّك صنت حبّك
رغم بعدك عن عيوني
بسّ عندك قسّى قلبك
حتى هان حبّي الجنوني

هوّ معقول طول حياتي
أبكي وتألم وداري
هوّ معقول أنسى ذاتي
وانسى ليلي من نهاري

بحسد

يا حبيبي بانتظارك
وانشغالك واعتذارك
صرت أحسد كلّ واحد
كان معاك أو لسّه قاعد

صرت أحسد كلّ نحله
من خدودك جات بقبله
صرت أحسد كلّ زهره
من شفايفك جات بقطره

صرت أحسد كلّ همسه
قالها عاذل ليك بلمسه
صرت أحسد لو لمرّه
بصّ ليك حاسد بنظره
صرت أحسد في الليالي
كلّ نجمه بيك تلالي
صرت أحسد لاجل خاطرك
كلّ نسمه فيها عطرك

صرت أحسد حتى حبي
يا حبيبي وعشق قلبي
صرت أحسد برضه ذاتي
ع الهوى المالي حياتي

يا حلوتي

يا حلوتي لا تستحي
طلّي عليّه وصبّحي
يا حلوتي ليه تسمحي
قلبي المتيّم تجرحي

يا حلوتي ليه الغرور
ليه المكابره والنفور
يا حلوتي ليه الفتور
قلبي خلاص قرّب يثور

يا حلوتي لا تدّعي
هيّا افهميني واسمعي
هيّا ارحميني واشفعي
بالله عليكي ترجعي
يا حلوتي بكره الخريف
من غير أنيس هيكون مخيف
حتى المنام هيكون خفيف
لمّا البصر يصبح ضعيف

يا حلوتي لا الكبرياء
هتفيد بشيء ولا الجفاء
بكره ان ندهت للقاء
مين بس هيسمع لك نداء

يا حلوتي قبل الأفول
هيّا اسمعي مني الأصول
لو كان جمالك شيء مهول
بكره اجمال ده راح يزول

عشان مفيش في الكون خلود
لعيون جميله أو خدود
بس لله ربّ الوجود
حسن وجمال من غير حدود






خلاص بقى

خلاص بقى ملّيت هواك
ملّيت بعادك وجفاك
سنين ونا سهران وحيد
حيران شريد سرحان بعيد

خلاص بقى ملّيت غرام
مسمعت عنه غير كلام
خلاص بقى مليت هيام
مشفت منه غير ألام

يا عم بلاش كدب وخداع
أفضل لنا نقول الوداع
ليه بسّ اعيش عمري بهوان
من غير أمان من غير حنان

بتغيب سنين من غير خبر
من غير جواب لو مختصر
حتى انتهى عهد الهوى
بالهجر والصد والنوى

لمّا الغرام عندك سراب
ليه بسّ اعيش واحيا بعذاب
لمّا انت مش قدّ الندم
ليه بسّ انام واصحى بألم
حرام عليك

حرام عليك غلبتني
عذبتني تعبتني
حرام عليك جود بالوصال
ده القلب داب والدمع سال

لو بسّ أعرف إيه جرى
للحب والشوق يا ترى
ده حنا الهوى عشناه سوى
قبل النوى من غير جوى

ليه بسّ هان حبي عليك
ليه بسّ ضاع قلبي بإيديك
إزاي هعيش عنك غريب
وانت الحبيب وانت النصيب

لأ يا جميل اعمل حساب
بعشق هواك رغم الغياب
لأ مستحيل نسيان هواك
إزاي ونا والروح فداك

إن شفت حد فكرني بيك
صحّى الغرام في القلب ليك
وان قاللي حد عنك كلام
صحّى الحنين والشوق قوام
لو يوم لقيت نفسي في مكان
زرناه سوى أيام زمان
ضجّ المكان بالذكريات
ذكرى اللي كان بينا وفات

خليك شجاع

خليك شجاع بعد الوداع يا قلبي
خليك شجاع وانسى الضياع يا قلبي
مهما الحبيب أصبح غريب عن هواك
ملوش مفر مهما أصر من لقاك

سيبه انت بس للذكريات والزمن
بكره الحنين هيجيبه ليك والشجن
رغم الغرور رغم النفور والفتن
جوّاه غرام أكبر كتير م العلن

يا قلبي ليه ملهوف عليه ليل نهار
اشمعنى بس قلبه ما حس يوم بنار
يا قلبي إيه شدّك إليه من جديد
لمّا الفراق بعد الوفاق صار أكيد

يا قلبي ليه كتر الكلام والملام
ليه العتب ليه الغضب والخصام
هيفيد بإيه لومك عليه ده الغرور
ضيّع هواه وضيّع وصفاه من شهو
بقالي سنين


بقالي سنين ونا اتمنى
ونا استنى هوى عمري
ومرّ العمر ونا اترجى
وقول يا حب تعال بدري

وجاني الوعد وكان أحلى
من الأحلام يا حبيبي
وجاني السعد وكان أغلى
من الأيام يا نصيبي

جمالك يا رفيق دربي
سحر قلبي أسر ودي
وصالك يا هبة ربي
سلب عقلي ملك وجدي

حبيبي والله ممنونك
على روعة هواك ليّه
ده نا قلبي فدا عيونك
فداها عيوني والدنيا

حبيبي بس بلاش تزعل
إذا العالم حسد حبي
بلاش ارجوك في يوم تتقل
عليّه أو على قلبي
فاضلك أيه

نسيت وعدك نسيت عهدك فاضلك إيه
سنين صدك سنين بعدك قاسيتهم ليه
خلاص يا عم راح انسى الهم ونار الويل
لا شوق واشجان ولا أحزان في صبح وليل

سراب واوهام هواك واحلام بقى معقول
بقيت محتار وقايد نار من المجهول
هيامي بيك وشوقي ليك خساره فيك
يا ريت ما حب فؤادي وطب ومال لعينيك

غريب أمرك عجيب طبعك بقيت تشكي
ونا العاشق ونا الصادق سنين ببكي
خلاص متقولش عشان مفضلش كلام يتقال
وهتعيد ليه وهتزيد إيه على الموال








حبيب الأمس

يا حبيبي رغم حبي
رغم ودّي عزيز النفس
م النهارده جوّه قلبي
إنت عندي حبيب الأمس

لو حنيني زاد يوماتي
مش هسامحك مش هحاسبك
لو أنيني عاد ليلاتي
مش هصالحك مش هعاتبك

مش هقولك طال سهادي
طال عذابي وزاد هواني
مش هقولك ضاع فؤادي
ضاع شبابي وراح أماني

يا حبيبي زيف غرامك
بان ببعدك وبفتورك
إنّما الكبر في كلامك
بان بصدك وبنفورك

يا حبيبي في الليالي
مش هتسهر لك عيوني
حتى من قلبي وخيالي
هنزع الحب الجنوني
يا حبيبي مهما تبكي
مش هتنزل مني دمعه
مهما تحكي مهما تشكي
مش هتشعل فيه شمعه

لأ يا حبيب قلبي

دلوقتي بس بعد الحبيب
مخان هواك رجعت لي
دلوقتي بس لمّا النصيب
راح مننا اشتاقت لي

لأ يا حبيب قلبي أنا حبّك نسيته من زمان
مهما عملت عندي هنا
خلاص ملكش أي مكان

ياما رعيت حبك وكان
حظّي معاك ذلّ وخضوع
ياما سقيت قلبك حنان
لمّا رويت خدي بدموع

فكرك حبيبي بكلمتين
تقدر تعيد عهد الغرام
طب كنت فين من سنتين
لمّا الغرام راح بالخصام
جاي تعمل ايه لمّا انكسر
قلبي الحزين من طول جفاك
ده الجرح ع الخدّ انحفر
من دمع عيني ونار هواك

دوق العذاب دوق المرار
شوف السهاد والليل طويل
لفّ الزمان عليك ودار
حتى الفرار صار مستحيل

يا بنات

يا بنات الحب من هبات الرب
لسعادة القلب
ليه فاكرينه هزار على سطح الدار
ولا في مشوار

يا بنات الناس ده الهوى اخلاص
على طول واحساس
لا كلام أفلام ولا قول احلام
في منام واوهام

يا بنات الود ده ثبات ع العهد
ووفاء للوعد
لا ملام ونفور ولا صد وفتور
على طول وغرور
يا بنات الشوق ولهيب الشوق
بطيّرنا لفوق
لا غرام يتقال في كلام موال
ولا لعب عيال

ارحم لي قلبك

يا حبيبي ارحم لي قلبك
وارحم القلب اللي حبّك
لو غدر صاحبك بحبك
خلّي إيمانك بربك

يا حبيبي افتح لي تاني
قلبك اللي سنين سلاني
من زمان طيفك مجاني
بعد ما هجرك ضناني

لو حبيبك قلبه خانك
بعد ما حسّ بحنانك
لو أنا كنت في مكانك
مستحيل أرضى بهوانك

يا حبيبي ارجع لنفسك
ده انت حقك تنسى أمسك
ليه هتفضل جوّه يأسك
ليه هتقبل باللي مسّك
يا حبيبي انسى اللي باعك
واللي كان عاشق خداعك
حتى ده من غير وداعك
راح وسابك لضياعك

هجرتني

هجرتني ليه يا قاسي
من غير متسمع كلامي
ظلمتني ليه يا ناسي
حبي وهيامي وغرامي

هجرتني قلت ماشي
طب خدت قلبي معاك ليه
ظلمتني برضه ماشي
طب سيبت هواك عشان إيه

عشّمت قلبي بحبك
وقلت حبك هنايا
لكن نصيبي بقربك
مكانش غير بس شقايا

خدعت قلبي وسامحتك
وقلت يمكن هتفهم
جنيت عليّه وصالحتك
وقلت جايز هترحم
فضلت ترفض وصالي
وكل همسة ملامه
حتى بقيت غير مبالي
بكلّ عزّه وكرامه

أنى

أنّى لي النسيان وأينما أكون
ينهشني الحرمان والشوق والجنون
أنّى لي الهروب والذكريات جمّ
فها هو الغروب يشدّني واليمّ

فكم عناقٍ هنا داعبه النسيم
وكم حديثٍ لنا قاطعه النديم
وهاهي التلال مزدانةٌ باللوز
من تحتها السهول مزروعةٌ بالموز

هل يمكن المرور بها ولا أجنّ
والطير والزهور تعرف كم أحنّ
ففي ثنايا الغاب كم جدت بالوصال
وفي حمى الشعاب كذا وفي الظلال

وهاهنا جدولٌ كم كان يسعدنا
وفوقه بلبلٌ كم كان ينشدنا
وهاهنا روضةٌ جميلة الألحان
أزهارها الغضة بديعة الألوان
هل يمكن التناسي وأينما أسير
في القلب والأنفاس ذكرى الهوى عبير
هل يمكن التعالي وكلما أنام
على مدى الليالي يأتي بك المنام

يا عالم

يا عالم سيبوني في حالي
وانسوا لي الملامه شويه
ده هوّ الحبيب الغالي
وهوّ العزيز عليّه

يا عالم متحسّوا بيّه
ده نا قلبي خلاص اختار
هوّ اللي في إيده الميّه
زيّ اللي في إيده النار

يا عالم هواه أسرني
وحسنه البديع سباني
مين غيره يا ناس سحرني
مين غيره بهواه رماني

يا عالم ليه بسّ الغيره
ليه بسّ الكلام الجارح
ليه بسّ الظنون والحيره
ليه بسّ الخيال الجامح
يا عالم ده لو كان ناسي
غرام الجميل في عنيّه
وحتى ده لو كان قاسي
فداه الحياه والدنيا

من بعيد

يا نور عيوني من بعيد
ببعت رساله من جديد
قلبي الحزين قلبي الأمين
مشتاق إليك ومن زمان

والله حرام حتى الكلام
أصبح خصام بينا وملام
إزاي قسيت وازاي نسيت
أجمل غرام شفته وحنان

ماشي في طريق وسط الحريق
من غير صديق ليّه ورفيق
حتى الحنين بعد السنين
أصبح أنين عندي وهوان

سنين ونا وحدي هنا
ويّا العذاب ويّا الضنا
سنين ونا عشقان عيون
مليانه كبر وغرور كمان
يرضيك أكون رهن الظنون
رهن السكون رهن الشجون
يرضيك أسير دربي العسير
زيّ الأسير من غير أمان

ميهونش

ميهونش ع القلب العاشق
يسمع حبيبه بيتألم
ميكونش ده الحب الصادق
اللي الحبيب فيه بيتظلم

ياما انظلم قلبي بقربك
لكن ثبت على عهده
ياما انحرم من نور حبك
لكن صدق وصان وعده

ميهونش والله عليّه
أشوف عيونك بتبكي
مقدرش حتى يا عنيّه
اسمع كلامك بتشكي

ميهونش حتى يا روحي
أشكيك وقول منك لله
عشان عذاب قلبي ونوحي
دول مستحيل هيرضوا الله
سنين

سنين ونا بحلم أعيش
قصة غرام مبتنتهيش
سنين ونا في الكون غريب
لا ليّه صاحب أو حبيب

سنين ونا اتمنى الهوى
سنين ونا ماسك الهوا
حتى القمر حنّ ونظر
وجاب حبيبي المنتظر

هواك ده كان أحلى خبر
بعد العذاب بعد الضجر
هواك ده كان وده اعتراف
مطر وسال بعد الجفاف

ويّاك أنا شفت الهنا
ونسيت ألام عهد الضنا
ويّاك أنا نلت المنى
ولقيت غرام عمري هنا

شكري الجزيل لك يا ملاك
على الجمال اللي بهواك
شكري الجزيل عشان معاك
عمري ابتدا بلحظة لقاك
صعبان

صعبان عليّه خداعي
وايام عذابي وهواني
صعبان عليّه ضياعي
واحلام شبابي وزماني

صعبان عليّه بعادك
بعد الغرام والمحبه
صعبان عليّه عنادك
بعد الوئام والموده

صعبان عليّه سنيني
عمّال تعدّي بدونك
صعبان عليّه حنيني
للجمال اللي في عيونك

صعبان عليّه انشغالي
بنار هواك واشتياقي
صعبان عليّه انفعالي
قبل الوصال والتلاقي
يا نور عيوني جمالك
سحر عيوني وفؤادي
وان غبت عنّي خيالك
دايماً معايا وقصادي

معرفش ليه كل نوبه
بقول خلاص هنسى حبك
معرفش ليه بعد توبه
مقدرش اعيش غير بقربك

أيّ هوىً

أيّ هوىً يجمعنا
إن كنت لا ترحمني
أيّ دوىً ينفعنا
إن كنت لا تفهمني

أيّ غرامٍ واشتياق
يبقى بصدٍ أو غياب
أيّ هيام ووفاق
يبقى بعندٍ أو عذاب

إن كنت لا تبغي الفراق
وانّما تبغي اللقاء
دع الغرور والنفاق
والكبرياء والإباء
فالقلب يأبى أن يهان
حتى وإن ضج الحنين
والروح تأبى أن تدان
من بعد أن مرّت سنين

يا سيّدي طال الجفاء
هل من سبيل للوصال
يا سيدي أين الوفاء
هل صار ضرباً من محال

يا سيّدي كيف الرجوع
إلى زمانٍ قد مضى
والله قد ّضاق الخضوع
بمن من اليأس قضى

يا سيّدي كلّ العهود
قد صنتها رغم الهوان
يا سيّدي رغم الجحود
قلبي يضجّ بالحنان

كنت فاكر

كنت فاكر يا حبيبي
بعد ما طوّل بعادك
راح حنين قلبي ولهيبي
من زمان ونسيت ودادك

كنت فاكر شوق عيوني
راح وعدّى من وجودي
كنت فاكر راح جنوني
بعد أعوام من صمودي
اللازمه
إنمّا بالحق لسّه
نار هواك قايده وغرامك
وان نسيت مش ممكن انسى
حتى كلمه من كلامك

ده انت سيرتك على بالي
يا حبيبي في كل ثانيه
وانت صورتك في خيالي
ليل نهار وفي كل ناحيه

كنت فاكر صبر قلبي
راح يقصّر ليل سهادي
كنت فاكر هنسى غلبي
بعد مدّه من بعادي
كنت فاكر بكره عيني
مش هتدمع يوم عشانك
واللي كان بينك وبيني
راح وعدّى مع زمانك






إزّيك

يا عمري ازيّك والله اشتاقنالك
ده الليل من ضيّك نوّر كرمالك
يا عمري بعدك كان صعب عليّه
ده الشوق من بعدك سهّر عينيه

لكن برجوعك سكتت أحزاني
وبضيّ شموعك هديت أشجاني
وياك أحلامي رجعت يا غالي
وسنين أوهامي غابت عن بالي

مين كان يتخيّل مين كان يتصوّر
هصبر ع غيابك أو حتى يفكّر
لكن شوق قلبي خلاّني استحمل
واحساسي بحبي خلاّني اتأمل

يا عمري العالم وحياتك فاضي
غير بسّ ومالم نرجع للماضي
أيام عشناها حلوه بأفراحنا
وايام شفناها خاليه من جراحنا





ليت الهوى

أين الفرار يا حبيبي من هواك
ومن زمانٍ عشته حلواً معاك
كيف الهروب من حنيني للقاك
والقلب يأبى عشق انسانٍ سواك

ليت الهوى قد ظل شوقاً وحنين
ولم يكن جرحاً على مر السنين
ليت الهوى قد بات في القلب دفين
ولم يكن قيداً مدى العمر متين

يا منيتي إني وإن أشكو الغياب
فالشوق يحلو رغم أنات العذاب
أمّا وقد صار الهوى خيط سراب
فهل يعيد الحب لومٌ أو عتاب؟

عهد الهوى منذ سنين قد مضى
صداً وهجراً دون خيرٍ يرتجى
لو كان للعدل سبيلٌ ما انقضى
عهدٌ بقلبي وحياتي يفتدى

يا قلب لم يبق من الحبّ سوى
شوقٌ وسهدٌ وحنينٌ وجوى
لكنني حتى وإن طال النوى
ما زلت أرجو جاهداً عود الهوى
قصائد الهوى

قصائد الهوى حبيبتي ما عدت ألقيها وأرويها
ما عدت أسعى مثلما كنت
أسعى حثيثا كي أغنيها
قصائد من لجّة القلب
أخرجتها شوقاً لأهديها
كالماس والياقوت آملاً
تحظى بإعجاب قوافيها
لكنها بالكبر قد ضاعت
سدىً كما ضاعت معانيها
فهل من المعقول أن أشقى
كي لا تعي ما قلته فيها
وهل من المعقول أن أبقى
مثابراً والغدر يفنيها
يا من وعدت القلب مرّات
ولم تفي بالله قوليها
ما العدل في أن تقطعي وعدا
لا بل وعوداً لن تصونيها
ما العدل والجدوى إذا كنت
ظالمة ً حتى تراعيها


مهلك

مهلك على قلبي مهلك
مهلك على روحي مهلك
يا عمّ فكرك بنظره
من جوز عيونك هنده لك

افهم بقى وخلّيك واعي
بلاش نعيد من غير داعي
لو جيت عشان تسرح بيّه
إرجع وروح قوام لاهلك

فكرك يا عم هتسحرني
كمان ببسمه وتأسرني
يا عمّ روح وشوف لك حد
يكون خداعه أسهل لك

يا عم لسّه قدامك
سنين تثبت غرامك
لكن بجد عليك خايف
قبل الوصال تقوم تهلك

يا عمّ مين قال لك عنّي
في الحبّ تقدر تخدعني
حتى اللي عنك سمعته
أثبت وأكّد لي جهلك
عاد الشتا

يا حبيبي الشتا راح وعاد من تاني
ونا لسّه هنا م الفراق بعاني
يا حبيبي يا ناسي غرامي وحناني
يرضيك عذاب قلبي وذلّي وهواني

دي الغيوم يا روحي من دموعي ارتوت
والرياح من نوحي ونار قلبي انكوت
والليالي طالت من سهاد عيوني
والسنابل مالت من رياح جنوني

يا حبيبي صورتك في قلبي وخيالي
والحقيقه سيرتك تمللي ع بالي
بسّ هجرك ليّه وحرماني منك
سهّروا لي عنيّه ونا بسأل عنك

يا حبيبي قوللي بكره راح ترجع لي
يا حبيبي خلّي ضميرك يشفع لي
رغم غدرك بيّه غرامك منايا
رغم هجرك ليّه خيالك معايا




جود عليّه

يا حبيبي بعد هجرك
جد عليّه لو بنظره
يا حبيبي رغم كبرك
إنسى غدرك لو لمره

يا حبيبي ارحم أنيني
ليل نهار وارحم نحيبي
يا حبيبي ارحم حنيني
واشتياق قلبي ولهيبي

ده انت حبك لسّه قايد
جوّه قلبي وجوّه صدري
والعذاب لو برضه زايد
مستحيل انساك يا عمري

بسّ عود لي يا حياتي
قبل ما اغرق في دموعي
ليه تغذبني بآهاتي
ليه تغلبني بخضوعي

دي الحياه أيامها صعبه
وانت غايب عن عينيه
والزمان أحزان وغربه
وانت مش سائل عليه
حبيت غرامك

حبيت غرامك حبيت جمالك
حبيت هيامك حبيت وصالك
حبيت عشانك أيام حياتي
يا اللي بحنانك حرّرت ذاتي

هواك يا روحي فتّح عينيه
من بعد نوحي ع دنيا تانيه
هواك يا قلبي فرّح زماني
من بعد غلبي وطول هواني

حبيت يا غالي وياك وجودي
ونسيت نضالي ونسيت جمودي
حتى العواذل حبيت عشانك
مهما العواذل كتروا في زمانك

هواك حقيقي بزهور نديّه
فرش طريقي في الدنيا ديّه
هواك ده خلّى حياتي أحلى
كمان ده والله خلاها أغلى





لو نسّى الزمن

لونسّى الزمن يا عمري المحن
لو نسّى الفتن والشوق والشجن
لا غيابك سنه أو مليون سنه
هينسّي الهنا بوجودك هنا

لو نسّى الزمن يا عمري الألم
لو نسّى الندم وسنين العدم
حبّك والحنان ودّك واللي كان
حيكونوا في أمان ع طول الزمان


لو نسّى الزمن يا عمري الأنين
لو نسّى الحنين واحزان السنين
وحياة الهوى لو طال النوى
حجيلك هوا لو قلبك نوى

لو نسّى الزمن يا عمري الغرام
والشوق والهيام عند الناس قوام
راح يفضل هواك في قلبي أنا
راح يفضل لقاك يا حبي المنى



تكبّري

تكبّري تأمّري
تغندري تمخطري
حتى وإن تستنكري
أو ترفضي أو تنكري

ما زلت بي متيّمه
رغم الصدود رغم النفور
ما زلت حتى مغرمه
رغم الجحود رغم الغرور

يا حلوتي هيّا اسمعي
في البعد هذا مصرعي
فالشوق بادٍ للبشر
كالشمس أيضاً والقمر

يا حلوتي هيّا افهمي
بالحب تحيا مهجتي
يا حلوتي هيّا ارحمي
قلبي الذي أدميته

لو قيل عني أيّ كذب
كي تهجريني دون ذنب
مازال قلبي عاشقا
ما زال حبي صادقا

فالأمر ليس عائدا
لما أقول في الهوى
قد كان قلبي قائدا
حتى التقينا فهوى

يا حلم

يا حلم إرجع وعود لي تاني
خليني أفرح ولو ثواني
ليه بس تخلص قوام وتمشي
مع إني قافل عليك برمشي

يا حلم إرجع وهات حبيبي
اللي في بعاده كتر نحيبي
خليك معايا كمان شويه
مشتاقه والله إليه عينيه

يا حلم وحدك مكان لقانا
وبرضه وحدك زمان هوانا
خليك حنيّن عليّه أكتر
عشان في قلبي الحنين بيكبر
يا حلم لو كان معاد خيالي
ده لسّه أرحم من انشغالي
من يوم غيابه وغدره بيّه
إنت اللي وحدك فضلت ليّه

يا حلم إرحم وزورني بدري
عشان ده شمسي هواه وبدري
من غير مشوفه ولو لمره
عذاب وحرقه الحياه وحسره

يا اللي سكنت

يا اللي سكنت قلبي سنين
يا اللي ملكت روحي كمان
قلبي الحزين قلبي الأمين
مظلوم وساكت من زمان

ليه بس تبيع حبي أنا
من غير سبب أدى لغضب
ليه بس يضيع عمري هنا
من غير ملامه أو عتب

معرفش أيه قساك كده
من بعد حب وشوق كبير
هو الغرام بالشكل ده
من غير شهامه أو ضمير
خلاص نسيت عهد االهوى
عهد المحبه والهيام
ولاّ الهوى طار في الهوا
مع كل أزمه أو خصام

هل كان حقيقي وصلنا
ولاّ ده كان وهم وسراب
لو كان حقيقي شملنا
لسّه بدوام رغم الصعاب

لأ يا أسمر

لأ يا أسمر مش حصدق
مهما تحلف حبّي أكتر
حتى حبّي لسّه أعمق
من بحور الدنيا واكبر

لو قدرت توصف غرامك
مستحيل اوصف غرامي
وان قدرت توصف هيامك
لسّه ده شيء من هيامي

حبي لك يا نور عيوني
حب عاصف حب جارف
حبي لك حتى جنوني
وانت شايف وانت عارف
يا حبيبي القلب عاجز
يوصف الشوق والمشاعر
والكلام محتاج وعايز
ألف ناظم والف شاعر

بس برضه يا حياتي
حبك انت شيء خيالي
حب نوّر كنه ذاتي
زيّ ضيّك في الليالي


سلام مربع

سلام مربع للجميل
اللي القمر غار من بهاه
سلام مربع من عليل
قلبه انكوى بنار هواه

سلام مربع للجمال
إللي انضرب فيه المثل
بالرقه والذوق والدلال
والغمزتين زيّ العسل

سلام مربع للزمان
إللي جمع قلبين سوى
ع الحب والشوق والحنان
والودّ برضه والهوى

سلام مربع للحبيب
إللي بهواه عمري ابتدا
سلام مربع للنصيب
إللي بسناه قلبي اهتدى

سلام مربع للقلوب
المغرمه والعاشقه
رغم المصاعب ع الدروب
بالحب دايماً صادقه

من غير خجل

من غير مكابره أو خجل
من غير مناوره أو خداع
حبك بعث فيّه الأمل
من بعد شك حيره وضياع

حبك ده كان زيّ المطر
بالخير غمر كل البلاد
أحيا الشجر واحيا البشر
لمّا انهمر واحيا الفؤاد

حبك زرع فيّه الأمان
من كل ضربات الزمن
حبك وهب ليّه الحنان
من بعد نوبات المحن

قبلك أنا شفت الهوان
شفت الضنا عشت العدم
ويّاك هنا رقّ الزمان
حتى الألم راح والندم

ياما الفؤاد قبلك شعر
باليأس والخوف والضجر
حتى التقيتك يا قمر
لمّا القدر حن وأمر

قالّي زيّك

قالّي زيّك ناس كتير عاشقين لها
قلت انا مش أي حد هيمان بها
قلبي أكبر من قلوب كل البشر
حتى أكتر حب قلبي للقمر

مهما قال الناس كلام عن ظرفها
مهما قالوا عن جمالها ولطفها
لسّه وصف الناس لها وبسنها
عشر قولي عن جمالها وحسنها

يا حبيبي في الزمان ده مستحيل
حد زيّي مال إليك أو راح يميل
ده انت قلبي وانت حبي من زمان
وانت شمسي وانت بدري مهما كان

يا حبيبي شيء جنوني حبي ليك
حب خلّى نور عيوني يفتديك
نفسي تعرف قدّ إيه بعشق عينيك
قدّ إيه بشتاق إليك واسأل عليك

والله الزمان

والله الزمان ليّه ابتسم
لمّا الحبيب جاد بالوصال
بعد الهوان بعد الألم
بعد النصيب ما كان محال

طوّلت ليه بينا البعاد
كان يجرى إيه لو جيت قوام
ضيّعت ليه عهد الوداد
بالهجر والصد والخصام

ياما انتظرت فرصة لقاك
بسّ اللقا كان مستحيل
ياما افتكرت أيام هواك
بس الهوى عز يا جميل

عهد العذاب زيّ السراب
لمّا انت جيت راح وانقضى
أمّا الربيع عهد الشباب
وياك قوام عمره ابتدا

أهلاً

أهلاً حبيب عمري
أهلاً نصيب قلبي
يا ريت قوام بدري
رديت على حبي

أهلاً حبيبي سنين
عدّت ونا استنى
والروح تناجي العين
والقلب يتمنى

حنّيت عليّه وجيت
وشفت نور خدّك
اللي بشعاعه البيت
نوّر ومين قدّك

قرّب حبيبي الروح
قرّب وخد بيدي
ده القلب بات مجروح
م الفرقه يا سيدي
ويّاك حبيبي الويل
راح واختفى جرحه
حتى في ظلام الليل
للقلب عاد فرحه

يا أغلى شيء فيّه
ممنون لقاك بيّه
ممنون وبعنيّه
حفدي هواك ليّه

قلبي انشرح

قلبي انشرح لمّا انفتح قلبك ومال
بعد الوصال ما كان خيال وشيء محال
فرحت بيك مع إني ليك ومن زمان
عشقان هواك عشقان بهاك وبشوق كمان

الله عليك ما احلى عينيك ما حلى لقاك
من يوم لقاك والروح معاك عايشه في حماك
عشان انا نلت المنى نلت الهنا
وياك هنا بعد الضنا من كام سنه

خلاص بقى عهد الشقا ولّى وراح
لمّا الهوى بعد الجوى اصبح متاح
خلاص بقى عهد الهوان اصبح أمان
حتى الجفا راح واختفى واصبح حنان
سلام جميل لك يا جميل سلام غرام
سلام أمل حب وغزل سلام هيام
سلام كده قدّ الفضا قدّ البحور
قدّ الرمال قدّ الجبال قدّ الزهور

والله عجيب

والله عجيب طبع الهوى
ولاّ العجيب طبع البشر
لمّا الحبيب ع البين نوى
ذنب الهوى ولاّ القمر

هيّه القلوب يا ناس دي إيه
حتى بسهوله بتتقلب
ولا العيون يا ناس دي ليه
بتروح لفوق وبتنسحب

يا حلو ليه أنا اعشقك
وانت ولا همّك غرام
يا قلب ليه حصدّقك
وانت ولا حسّ بهيام

إزاي بقى ونا الحبيب
ونا العزيز عليك سنين
إزاي بقيت عنك غريب
وازاي نسيت أنا ابقى مين
إن كان كده حنسى العيون
وانسى الحبيب عشق السنين
مقدرش اعيش رهن الشجون
رهن الملاوعه والحنين

فرحان

فرحان قوي قوي بلقاك
من بعد حيره وطول هوان
ولهان قوي قوي بهواك
من بعد غيبه وشوق كمان

كلمة بحبك قلتها
من جوّه قلبك يا قمر
ونا بصراحه نلتها
لمّا استجاب ليّه القدر

بكل رقه يا جميل
نطقتها واسمعتها
بس الحقيقه مستحيل
تتقال كما أحسستها

بكل دفء همستها
وبدفئها احمرّت ثلوج
وبكل سحر رسمتها
وبسحرها اخضرّت مروج
يا نور عيوني حبنا
مقسوم لنا ومن زمان
بس بإرادة ربنا
دلوقتي بس آن الأوان

معقول بكلمه يا بشر
كل المشاعر تختزل
معقول بهمسه تختصر
كل العبارات في الغزل

براحتك

يا حب خليك براحتك
ووقت ما تيجي تيجي
مش عايز ازعل سماحتك
لو حتى شعلل وهيجي

بس انت ليه مش واخدني
من كام سنه باعتبارك
يعني انت غاوي تكايدني
أكتر كمان بانتظارك

يا حب كل المواجع
زرعتها جوه قلبي
هيّه الأصول والشرائع
بتقولك افرح لغلبي
كل القلوب بتراضيها
غير بس قلبي انت حارمه
بالعدل والحق بتقاضيها
ليه بس قلبي انت ظالمه

غار يا قمر

غار يا قمر من حبيبي
غار من جماله وحسنه
ده كان حبيبي ونصيبي
من صغر سني وسنه

عشان حبيب قلبي اجمل
بلون عيونه الكحيله
كمان ده احلى وافضل
بنور خدوده الجميله

غار يا قمر من غرامه
وشوق عيونه لعيوني
غار من حنينه وهيامه
وحبه ليّه الجنوني

غار يا قمر برضه مني
عشان بحبه لذاته
غار حتى مني لأني
بفدي حياته بحياتي
ده حبه والله اسرني
لحظة مبص في عينيه
وحسنه برضه سحرني
لحظة مهلّ عليّه

غار يا قمر من مشاعري
ومن عواطفي النيبله
غار من قصايدي وخواطري
وسنين غرامي الطويله

غار يا قمر بسّ حاسب
تجرح حبيبي بكلمه
غار بسّ إيّاك تعاتب
عشان هواه ليّه نعمه

من زمان

من سنين يا نور عيوني
وحنا من بعدك غلابه
من سنين والشوق جنوني
والفؤاد مغرم صبابه

من سنين والقلب صابر
ع الفراق من غير ملامه
من سنين والقلب ناطر
كلمه منك أوعلامه

بسّ لمّا نسيت عنادك
يا حبيبي وكبر قلبك
فرحت الدنيا بودادك
والحياه احلوّت بقربك

يا حبيب قلبي ونصيبي
بعد ما هليت عليّه
طفى وصلك نار لهيبي
والدموع سابت عينيّه

قلت مش معقول يا عمري
تحرم العين من جمالك
هوّ عمري راح يا بدري
يستمر من غير وصالك

يا حبيبي تحت ظلك
اتنسيت جرحي ووجدي
حتى إني بعد وصلك
التقيت فرحي ووعدي

المجموعة الثانية

قصة حبي

يا حبيبي قصة حبي
عايشه على طول بقلبي
كلها أنغام ورديه
كلها أحلام فضيه
إنمّا محتاجه لدنيا
أكبرمن كده بشويّه

يا حبيبي حبك جارف
وهيامك دايما عاصف
وسعادتي بيك وبيّه
يا حبيبي ميّه الميّه
انما محتاجه لدنيا
أكبر من كده بشويه

يا حبيبي حبك غنوه
ألحانها جميله وحلوه
وكلامها الصادق ليّه
مكتوب بحروف ذهبيّه
انما محتاجه لدنيا
أكبر من كده بشويّه

يا حبيبي حبك جنّه
وحدايق ورد وحنّه
وروايح رايحه وجايّه
ونسايم هاله عليّه
إنّما محتاجه لدنيا
أكبر من كده بشويّه

يا حبيبي حبك نعمه
يا حبيبي حبك قسمه
ده انت يا حبيبي هديّه
م السما جاتني يا عنيّه
إنّما محتاجه لدنيا
أكبر من كده بشويّه

غرام كلام

يا حبيبي من غير هواك
أو لقاك الدنيا هلاك
بسّ برضه رغم جفاك
لسّه قلبي وروحي معاك

إنمّا ليه حلفت زمان
راح تكون حياتنا أمان
وعشان إيه قلت كمان
مش هيفصل بينا مكان

يعني إيه مكانش غرام
ولا ده كان يا دوب كلام
يعني إيه مكانش هيام
ولا ده كدب وبان قوام

ليه كده أصبحت غريب
عن عينيّه يا أغلى حبيب
ليه بقى معادش نصيب
يا حبيبي والله عجيب

يا حبيبي هواك عسل
كان معايا وراح مثل
ليه بقى للهجر وصل
هو إيه كان يعني حصل

صارح

يا عمّ صارح بحبك
واشرح طبيعة خواطرك
يا عمّ حاول بقلبك
تعرف حقيقة مشاعرك

ليه بسّ خايف تصارح
باللي انت كاتمه يا عمري
ليه بسّ خايف تفاتح
هوّ الزمن لسّه بدري

يا عمّ صمتك ده أثّر
على وجودي وحياتي
يا عمّ بالعقل فكّر
وارحم سهادي وآهاتي

لو كنت مغرم وعاشق
مكانش قلبك سلاني
لو كنت مرهف وصادق
مكانش حبك ضناني

يا نور عيوني الليالي
كالموج بتجري وتجري
وانت وغرامك يا غالي
عايشين بقلبي وفكري


حبيت هواك

حبيت هواك من غير كسوف
من غير هواجس أو ظنون
حبيت وكان قلبي الشغوف
بالعشق أقرب للجنون

حبيت هواك والحبّ حق
لكل انسان في الوجود
شرطي الوحيد إخلاص وصدق
من غير نهايه أو حدود

في كل ثانيه يا جميل
قلبي معاك روحي معاك
وفي كل ناحيه مستحيل
أقدر أعيش الاّ بهواك

ويّاك أنا بنسى الزمان
بنسى العذاب بنسى الألم
ويّاك هنا عمري بأمان
من غير ضنا أو يوم ندم

الله عليك يا أحلى حب
يا اللي بهواك قلبي اهتدى
الله عليك يا أوفى قلب
يا اللي بلقاك عمري ابتدا

مغرور

سنين ونا عشقان هواك
عشقان جمالك وبهاك
بسّ الغرور خلاك أسير
للشكّ بالحبّ الكبير

والله حرام ويّا الجراح
أسهر وبات حتى الصباح
والله حرام في الليل أكون
رهن الهواجس والشجون

والله حرام من غير نصير
أمشي واسير دربي العسير
من غير أمل ليه برضاك
من غير نصيب إلاّ بجفاك

يا نور عيوني ليه كده
هوّ الغرور بالشكل ده
ده القلب داب والهجر طال
حتى الوصال أصبح محال

يرضيك عذاب قلبي الحزين
يرضيك ضياع حبّ السنين
والله عجيب ذنبي الوحيد
ويّا الحبيب حبّي الشديد

إزّاي هقابلك يوم ونول
وصلك وجمبك ميت عذول
وازاي هبادلك يوم هواك
والقلب محروم من لقاك




خلاص

يا اللي قتلت فيّه الغرام
بالهجر والصد والخصام
يا اللي زرعت فيّه الجراح
بالغدر والسهد للصباح

خلا ص بقى مليت جفاك
مليت غرامك وهواك
خلاص بقى حرّم وتاب
قلبي اللي من أشواقه داب

أحلى زمان عشناه سوى
بالحبّ والشوق والهوى
بس الغرور خلاك كده
قاسي وعنيد بالشكل ده

زعلان قوي وغاوي الغضب تقلان قوي ومن غير سبب عملت ايه حتى الضنا
والحزن حظي كام سنه





ليلة مبارح

ليلة مبارح ع سطح البيت
والناس سهرانه ومرتاحه
كان بينا كلام بسّ يا ريت
قلناه يا حبيبي بالراحه

همس العذال وملامهم
غمز الحساد وكلامهم
خلّونا لا قادرين نتكلّم
ولا بعنينا حتى نسلّم

مالكو انتو يا ناس بس ومالنا
ليه بقى شاغلين بالكو وبالنا
أيام وسنين وحنا في حالنا
لا روحنا لحد ولا حد جالنا

هتحسوا بإيه يا ناس بكره
لو شافكو عذول وغار منكو
هتحسوا بإيه ده لو مرّه
سمعكو حسود وقال عنكو

يا ريت يا عاذل تتعلّم
يا ريت يا حاسد تتندم
عشان لو كنا بنتألم
مش رايحين أبداً نستسلم

بحبك

بحبك حبيبي بحبك لأنك
مالكني بحبك فاتني بحسنك
بحب فيك صفاءك بحب فيك وفاءك
بحب فيك إباءك ونار كبرياءك

بحب فيك حنانك وطيبة فؤادك
وبشكر زمانك ع بهجة ودادك
بحب فيك دلالك وروعة غرامك
وبعشق وصالك ولوعة هيامك

بحبك ولطفك أسرني يا غالي
بحبك وظرفك سحرني ليالي
بحبك وحبك قدر وانقسم لي
قدر يا حبيبي رجع وابتسم لي

بحبك ومنك خيالي وفكري
وعنك كلامي ونثري وشعري
بحبك وروحي فداك يا حياتي
يا بلسم جروحي ودمعي وآهاتي

والله حرام

والله حرام بعد الغرام
بعد الموده والوئام
تمشي وتعديّ كالمنام
من غير ما حتى تقول سلام

معقوله متحسّ بندم
معقوله متحسّ بألم
والله الحياه بعدك عدم
والدنيا من دونك سأم

والله حرام تفضل بعيد
من غير سبب وافضل شريد
والله حرام تفضل عنيد
والهجر نار والشوق شديد

ليه يا حبيبي ان جيت اليك
فوق للفضا بصّت عينيك
وان يوم كمان عدّيت عليك
بلقى العواذل بين إيديك

إرحم بقى قلبي انكوى
من نار حنيني والجوى
إرجع بقى قبل الهوى
ميطير بقلبي في الهوا
هشكيك لمين

يا اللي هجرت من غير سبب
من غير ملامه أو عتب
هشكيك لمين للكريم
هو الرحيم هو العليم

طول ما انت متناسي الغرام
والحبّ والشوق والهيام
مش راح يأثر فيك عتاب
مهما الغياب طال والعذاب

عندك خلاص معادش فرق
بين حب وغدر بين كدب وصدق
حتى الحنان بتاع زمان
أصبح خداع غش وهوان

صابر أنا رغم الحنين
رغم الضنا رغم الأنين
حتى الدموع سالت لفوق
من كتر ما في القلب شوق

يرضيك أصون عهد الهوى
وتخون فؤادي اللي انكوى يرضيك أكون عنك غريب
من بعد ما كنت الحبيب

لمّا الغرام

لمّا الغرام عندك كلام
يا دوب تسالي والسلام
لأ مستحيل أعشق وميل
مهما كلامك كان جميل

مقدرش احب يا عم كده
مقدرش اميل بالشكل ده
أصل الفؤاد زي الشجر
محتاج وداد قدّ المطر

يا عم انا مش أيّ حد
تقدر عليه دون أي جهد
عندي الغرام مبدأ وجدود
مبدأ حياه من غير حدود

يا عم انا نفسي بجد
أعشق وحب لأقصى حد
نفسي بغرام ملوش مثيل
نفسي بهيام ملوش بديل

يا عم ليه حبك عذاب
ده العمر ولّى والشباب
يا عم ايه خلّى الهوى
عندك أماني في الهوا

يا عم أنا محتاج لمين
بالحبّ صادق وأمين
محتاج لمين حبه المتين
هيعيش مدى عمر السنين

وحياة غرامك

وحياة غرامك يا عنيّه
لا لون ولا طعم للدنيا
إلاّ بهواك ووصالك
ونور بهاك وجمالك

ده انت القمر في الليالي
وسط النجوم في الأعالي
وانت النسيم في العصريه
وانت النديم للصبحيه

وحياة عيونك الهاديه
وورود خدودك الناديه
هصون غرامك وحبك
وكون بقربك وجمبك

وحياة جمالك عيوني
عشقاك ورايداك جنوني
يا ربي إحميه وصونه
من كلّ حسّاد عيونه

وحياة غلاوتك زماني
من يوم محبّك سباني
نوّر وفتح بوجودك
زي الورود على خدودك

وحياة حلاوتك يا قلبي
هسقيك تمللي كاس حبي
هسقيك بإيدي السعاده
وكلّ ثانيه بزياده

لو حقيقي

يا حبيبي زاد عذابي
طول بعادك وغيابك
يا حبيبي ضاع شبابي
من عنادك وعتابك

لو حقيقي كنت عاشق
كان فؤادك حسّ بيّه
لو غرامك جد وصادق
كان ودادك بسّ ليّه

يا حبيبي امسح دموعي
والعذاب اللي في ضلوعي
يا حبيبي ارحم خضوعي
والهوان اللي في خنوعي

ليه المكابره والملاوعه
بعد متمنّيت هوايا
ليه المخاصمه والممانعه
بعد مترجّيت رضايا

يا حبيبي النوم جفاني
والسهاد سهّر عينيه
يا حبيبي الشوق كواني
والبعاد طوّل عليه

ليه بتتقل ليه بتبخل
بابتسامه أو بنظره
ليه بتغضب ليه بتزعل
هو انا قصّرت مره







التلفون

كل ميرن هالتلفون
بقلب وشي بكذا لون
وان طلعته من الصالون
بتحدّق فيّه العيون

بخده بعيد عشان شايف
نظرات العالم صوبي
بحكي بهمس عشان خايف
هالعالم تسمع قلبي

يا روح قلبي ليل ونهار
بستنى الرنه ع نار
بسأل عنك أهل الدار
واهل الحاره لعاشر جار

وحياتك مع كل رنه
بفرح برقص وبغني
حتى الناس لقراب منّي
عم بتحاكوا كتير عنّي

لو تبعت لي رساله
في الساعه راح أتألم
والحاله تبقى حاله
فيها الإشيا تتأزم
لو مرّه ما تحاكينا
من عمري ضاع كل اليوم
لو مرّه ما تناجينا
من جفني راح طعم النوم

ألوان

أخضر لقاك أحمر هواك
أسود جفاك أبيض صفاك
في كلّ حال شكل ومجال
ألوان هواك عدّوا الخيال

عند اللقا عند الوصال
ألوان هواك آخر جمال
حتى الزعل أكبر زعل
بروح قوام عند الغزل

القدّ بان عوده نما
والعين كمان بحر وسما
والخدّ أبيض ياسمين
والشعر أسود ع الجبين

الوشّ بدر والعطر ورد
والشفه زهر والبسمه شهد
السنّه لولي والكلام
سكر نبات على الدوام
كل مرّه

كل مره بتلمح في عيوني
نظرات الحبّ الجنوني
بظلك ماشي ومش خايف
وبتعمل نفسك مش شايف

بظلك ماشي ومتجاهل
فكرك هالنسيان بالساهل
بظلك ماشي ومش سائل
أو حتى شلونك مش قايل

شو السيره يا قلبي الحاير
في الدنيه شو هاللي صاير
وين الحب راح والإخلاص
ليش الود ضاع والإحساس

يا روح قلبي مش هتلاقي
زيّي في حبي واشتياقي
مش هتلاقي زيّي عاشق
مش هتلاقي زيّي صادق

كيف ممكن تسمع أنيني
من غير متحسّ بحنيني
كيف ممكن ترضى بلهيبي
من غير ميهزك نحيبي
لو ماشي ومش راجع تاني
والهجران نسّاك زماني
راح تفضل حبّي وغرامي
راح تفضل عشقي وهيامي
معرفش ليه

معرفش ليه صار مستحيل
الوصل بينا يا جميل
حتى الكلام ولا السلام
أصبح محال بينا وحرام

إيه غيّرك بالشكل ده
إيه حيّرك منتاش كده
هو الغرام عطف وحنان
ولا الغرام هجر وهوان

أجمل زمان عشناه سوى
بالحبّ والشوق والهوى
بسّ الهوى راح واختفى
لمّا انتهى عهد الوفا

ليه بس تصدّق قول عذول
أو حدّ حاسد حبنا
هيّه الشرائع والإصول
بتقول نخالف قلبنا

إشمعنى بس قلبي الأمين
فضل وفي رغم السنين
واشمعنى بس حبي الكبير
فضل كمان حبّ بضمير

بعد الفراق

لمّا الفراق يا عمري طال
عهد الغرام والحب زال
أمّا الوفاق لمّا ابتدا
قلبي إلى السعد اهتدى

كل الزعل بينا مضى
بعد القبل راح وانقضى
حتى الألم حتى الجفا
بعد الندم راح واختفى

من غير كلام سامحتني
من غير ملام صالحتني
حتى حنان قلبي الكبير
رجع وكان اكبر كتير

ورجعت لك ورجعت لي
وحلفت لك وحلفت لي
مهما العذول قال عننا
مش راح ينول شيء مننا

يا عمّ ليه

يا عمّ ليه قلبك كده
مغرور وسايق في الدلال
هو الغرام بالشكل ده
ولاّ الغرام قرب ووصال

يا عمّ قلبك في الغرام
قصده التسالي والكلام
مرّه القريب منك غريب
مرّه البعيد عنك قريب

لو كنت صادق بالهوى
كان من زمان قلبي في أمان
لو كنت عاشق كان سوى
عشنا في غرام حب وحنان

يا عمّ لو حبك هلاك
عمري وحياة قلبي فداك
يا عمّ انا مغرم هواك
مغرم جمالك وبهاك
متقولش

متقولش عن إنسان حبيب
حتى الحبيب يصبح نصيب
ياما القريب أصبح غريب
ياما الغريب أصبح قريب

يا عمّ مين يقدر يقول
في الحظّ إيه هيّه الأصول
برضه الغرام حظّ ونصيب
يمكن يصيب يمكن يخيب

رغم الوعود في الحب صدود
رغم العهود في الحب جحود
بسّ العجيب جوّه الفؤاد
وصل الحبيب هو المراد

مهما غدر مهما زعل
مهما هجر مهما تقل
ظلم الحبيب قيل في المثل
ع القلب أحلى م العسل

عشان كده بهمسة عتاب
كل الألم كل العذاب
هيزول وهيعود الشباب
للقلب من بعد الغياب
لا تفكريني

لا تفكريني مليونير
ونا الحقيقه مديونير
والله الحقيقه الصريحه
هيّه الطريقه المريحه

متغركيش الفتاكه
ولا الهدوم والشياكه
لا عندي ياخت وطياره
ولا يا حسره سياره

بخاف عليكي يا عيوني
من نار هوايا الجنوني
بخاف وبشتاق اليكي
رغم الشقاوه في عنيكي

بهاكي والله سحرني
ونور جمالك أسرني
بسّ الحكايه يا عمري
قلبي انجرح وضاق صدري

حبّيت كتير تفاض بيّه
ظلم الحبايب يا عنيّه
عشق العيون ضيّع قلبي
ضيّع حياتي ومش ذ نبي
نفسي أعيش بقى خالي
مرتاح بفكري وخيالي
من غير حبيب يحيّرني
وفي كلّ ليله يسهرني

عندي سؤال

يا ناس يا هو عندي استفسار
يا ريت هنا حد يشرح لي
عشان خلاص بقيت محتار
من كلّ حاجه بتحصل لي

ليه ان ضحك وحياني
وقال كلام له معاني
تاه الكلام على لساني
ونسيت زماني ومكاني

يا الله يا هانم يا الله يا بيه يا الله قولولي كل ده ليه
وانت هنا قول متخافش
وانت كمان مبتعرفش

ليه ان لمس بالإيد شعري
حسّيت بنار ماشيه في صدري
وان يوم همس وشم عطري
حبّيت اروح قوام وجري
ليه ان خطر زيّ النسمه
وقاللي بعنيه كام كلمه
ردّيت بنظره وبسمه
والقلب خايف م اللمه

أما بقى لو عدّى العصر
من غير مهل عليّه البدر
حسّيت بشوق كبير كالبحر
وخوف شديد عليه م الشر

لا تغالي

يا حبيباً ساكناً قلبي وخيالي
إن تشأ صدي وهجري لا تغالي
كم طلبت اللطف والرفق بحالي
بينما تقسو وحتى لا تبالي

كم دعوت الأمس قلبي للقاء
راجياً بدر الدجى طول البقاء
أمن المعقول أن تهوى شقائي
دون عذر غير قهري وابتلائي

يا حبيبي ان ترى خيراً بهجري
أطفىء النار التي ثارت في صدري
يا حبيبي إن سبرت اليوم صبري
لست أدري إن سيبقى حتى فجري
يا حبيبي إن تكابر قد تعاني
إنني أدرى بكم تهوى حناني
كلّ صدٍ وضياعٍ وهوان
لن يعيد العمر للماضي ثواني

يا حبيبي في الهوى ما لي اراده
قد سلبت القلب أسباب السياده
يا حبيبي صار هذا البعد عاده
بعد أن كانت لنا كلّ السعاده

ع الظاهر

يا حبيبي الناس محتاره
بطبيعة قلبي وقلبك
إنمّا إيه دخل الحاره
بحقيقة حبي وحبك

يا حبيبي دول لايمينا
وحاسدينا ليل ويا نهار
يا حبيبي دول ظالمينا
وحنا جيران والجار للجار

يا حبيبي الناس بتحكم
أحياناً على الظاهر
واحياناَ برضه بتفهم
أشياء لا ع البال والخاطر
ليه كده بس شاغلين بالكو
في غرامنا وسيرته أعوام
ليه كده بس شاغلين حالكو
في حاجات كلّها أوهام

فين زمانك راح يا جيره
فين زمانك راح يا طيبه
غيرش نار الشك والغيره
لسّه قايده ونار الغيبه

إنسان بسيط

يا عم أنا انسان بسيط
ميغرنيش دهب ومال
لكن بجد إنسان نشيط
بكسب وباكل بالحلال

عشان كده نفسي أعيش
مع حدّ زيي في الطباع
كلام كتير عندي مفيش
عايزين نعيش بالإقتناع

يا عم أنا نفسي بحبيب
قلبه العطوف مليان حنان
مقدرش احب انسان غريب
عني بطبيعته مهما كان
يا عم أنا مرضاش غرام
مرهون بمال دهب وماس
أصل الغرام ود وانسجام
وبالأساس من غير مساس

دلوقتي بس

دلوقتي بس بعد الفؤد
معتاد عليك خنت الوداد
دلوقتي بس بعد الهيام
مزداد إليك بعت الغرام

طب قلت ليه وياك هنا
هلقى السعاده والهنا
وحلفت ليه هنعيش سوى
من غير ملاوعه أو نوى

دلوقتي بس حسّيت بضيق
زيّ الغريق جوّه الحريق
دلوقتي بس خلّى الغرور
قلبك ملان كبر ونفور

دلوقتي بس ناوي الهرب
غاوي الغضب من غير سبب
دلوقتي بس نفسك تكون
حر وطليق حتى بجنون

خلاص نسيت أيام زمان
أيام صفا حبّ وحنان
خلاص بقيت إنسان غريب
ونا اللي كنت منك قريب

حسّك عينك

حسّك عينك يوم تتنازل
عن وعودك أو تتجاهل
حسّك عينك يوم تتخلّى
عن عهودك أو تتسلّى

حسّك عينك يوم تنساني
أو تخدعني أو تسلاني
حسّك عينك تنسى تجيني
قبل النار م الشوق تكويني

حسّك عينك وحياة عينك
يدخل عاذل بيني وبينك
حسّك عينك يوم نتفارق
أو نتباعد أو نتخانق

حسّك عينك تشغل بالي
ولا تغيّر قلبي وحالي
حسّك عينك يشمت فيه
أيٍّ كان في الدنيا ديه

حسّك عينك قلبك يزعل
أو يتجنى مره ويتقل
ده انت القلب اللي بيهديني
وانت الحب اللي بيحييني

هواك

هواك نصيبي في دنيتي
ملك فؤادي ومهجتي
هواك نعيمي وجنتي
سبب وجودي وبهجتي

شكرا حبيب قلبي الجميل
شكرا وشكري لك جزيل
مهما انحكى ومهما قيل
شكري وثنائي لك قليل

هواك سلام أمن وأمان
من المخاوف والهوان
هواك كمان هو الضمان
من الليالي والزمان

يا نور عيوني في الجمال
حبك وحسنك صار مثال
حتى هواك أصبح مجال
للفكر والفن والخيال

يا نور عيوني للفؤاد
حبك وطن حبك بلاد
هو المنى هو المراد
هو الهنا هو الوداد
الحظ

يا حظّ قوللي إنت ايه
صنع الخيال أو شيء أكيد
أياً تكون يا حظّ ليه
دايماً معايا بس عنيد

يا حظّ مين فتحت له
قلبك بفرحه عاش سعيد
ومين يا حظ قفلت له
قلبك بجرحه بات وحيد

يا حظّ لمّا تكون جميل
إزّاي بتختار بعضنا
وليه بقى دايما بخيل
مع الغلابه زيينا

يا حظّ بص هو الفقير
ملوهش قلب عشان يحب
ولا الكبير عشان كبير
هوّ اللي وحده عنده قلب

يا حظّ حس حتى التعيس
من حقه يفرح له بيوم
خلّيك حنيّن وونيس
عشان يجيلها في ليله نوم
أفكار وامواج

يا نور عيوني في صدري
أفكار كتيره بتسري
وامواج كبيره بتجري
بسنين حياتي وعمري

أرجوك أعني وساعدني
ولا انت غاوي تعاندي
أرجوك تعال وواعدني
ولا انت ناوي تكايدني

أفكار بتسرح يا غالي
لأيام سعيده بأمالي
وامواج بتسبح ليالي
لبلاد بعيده في خيالي
أفكار بتوصف غرامي
وليل سهادي وألامي
وامواج بتبعت سلامي
وعشق قلبي وهيامي

أفكار وأمواج حبيبي
بتقيد حنيني ولهيبي
لو بسّ ترجع نصيبي
لو بس تسمع نحيبي

طاير

جسمك هنا وقلبك بعيد
طاير مع الأحلام سعيد
جسمك هنا وفكرك شريد
حاير وحبي لك أكيد

معرفش ليه أصبح بخيل
بالوصل قلبك يا جميل
ده الليل تقيل قاسي وطويل
والويل شديد والنوم قليل

بسّ اعمل ايه أنا بهواك
ونا اشكي ليه والروح فداك
والله الحياه بعدك هلاك
ملهاش وجود إلاّ بلقاك
عمّال تدوّر عن حبيب
عنك بعيد عنك غريب
عمّال تفتش عن نصيب
وتفوت حبيب منك قريب
معرفش

معرفش ليه قلبك صبح
عنيد كده من غير سبب
معرفش إيه خلاّه جرح
قلبي اللي أجمل حب وهب

صدقت ليه كدب العذول
من غير متسمع كلمتي
هيّه الأصول يا بن الأصول
بتقول تدمّر دنيتي

قلبك وفي ودايماً جميل
بس للأسف بيّه غدر
صبرك كمان دايماً طويل
إلاّ معايا يا قمر

مغرور قوي مغرور بحق
عشان بجد ملكش زي
حتى القمر م الغيره انشق
عشان معادش عنده ضي
النهارده

بسّ النهارده بعد ما
بقيت لوحدي سنين شريد
بسّ النهارده عندما
بنيت حياتي من جديد

بسّ النهارده جاي تقول
مشاق لحب أيام زمان
سكت ليه لمّا العذول
خلاّك تروح وتغيب كمان

لمّا بكيت لك ما التقيت
منك ولا كلمة حنان
لمّا شكيت لك ما انتهيت
حتى رميتني للهوان

بصّ الغرام زيّ الزهور
محتاج لمين يتعب عليه
من غير رعايه أو شعور
ازاي يعيش ونحسّ بيه

رغم الحنين والشوق أنا
مقدرش لك تاني أكون
بعد العذاب بعد الضنا
مسمحش لك تاني تخون
يا حبيبي

يا حبيبي طال عذابي
طال سهادي من فتورك
يا حبيبي ضاع شبابي
ضاع فؤادي من نفورك

يا حبيبي العمر بيجري
وانت فاكره لسه بدري
دي السنين قبل الدقايق
راح تعدّي وانت رايق

يا حبيبي زاد حنيني
زاد أنيني من جحودك
يا حبيبي شوف جنوني
شوف ظنوني من صدودك

يا حبيبي الحبّ نظره
لو ده كان فعلاً حقيقي
والغرام برضه لمرّه
راح يعدّي في طريقي



أين

يا حبيبي الأصدقاء
أين كانوا ثم فلّوا
يا حبيبي الأقرباء
أين كانوا ثم ولّوا

قد تخلّى القوم عنك
بعد كبوٍ وانتكاس
قد تناسوا كيف منك
قد تدانوا بالتماس

ما تبقى كي يردّ
اللوم عنك غير حبي
ما تصدّى أو تحدّى
النيل منك غير قلبي

يا حبيبي في الحياة
نكاساتٌ تتعدد
والحياة للممات
بالصراع تتجدد

فادن مني يا حبيبي
لا تخف أو تتردد
كل شوقٍ أو لهيب
بالوصال يتبدد
يا عمّنا

يا عمّنا لقصتي
محتاج لحل قوام قوام
عشان خلاص دي فرصتي
هتضيع وده والله حرام

يا عمّنا قلبي عشق
إنسان غريب عن حيينا
ومع إني ويّاه بنتفق
عايزيني احب حد زيينا

يا عمّنا ده من زمان
والعرف والعاده هنا
بسّ القريب وابن المكان
هو اللي يتقدّم لنا

يا عّمنا إيه ذنبنا
لمّا القلوب تهوى وتميل
يا عمنا غير قلبنا
ملناش موجّه أو دليل

يا عمّنا ليه بس نكون
للعرف والعاده عبيد
وليه نكون من غيرعيون
تعشق كما تهوى وتريد
يا حب عجيب
يا حب عجيب أمر الحبيب
دايما بعيد عني وغريب
بشتاق إليه وخاف عليه
بسّ بهواه ملناش نصيب

يا حبّ لك على الأمير
قبل الفقير سلطان كبير
ياما سحرت ياما أسرت
اشمعنى بس قلبي الأسير

يرضيك أعيش في الكون وحيد
من غير حبيب لو من بعيد
يرضيك أسير دربي العسير
حيران حزين سرحان شريد

وازاي هبات من غير جليس
وازاي هنام من غير أنيس
ده الليل شجون يأس وظنون
طول ما الفؤاد جوّاه حبيس



انتظار

يا حبيبي بانتظارك
داب فؤادي وضاع شبابي
حتى إنك باعتذارك
مش هتطفي نار عذابي

جود بوصلك حتى تصفو
من جديد أيام حياتي
جود بحبك حتى أعفو
وانسى أحزاني وآهاتي

يا حبيبي مش هتمسح
بالكلام وحده دموعي
مش هتشفي بل هتجرح
بالبعاد قلبي وضلوعي

يا حبيبي ازاي هداري
عن عيون الناس غرامي
ده المكان نور بناري
والزمان حسّ بألآمي

يا حبيبي ارحم حنيني
واشتياق قلبي لعيونك
ده الوجود كله بأنيني
ضج طول محيا بدونك
إعتراف

يا حبيبي لا تلومني بل أعني
إن كشفت السر قهرا غصب عني
لا تسلني أي شيء لا تدعني
عرضة للنيل من حبّي ومني

يا حبيبي ليس في الأشواق عار
لا ولا في الحب عيبٌ أو شنار
يا حبيبي ليس للخوف اعتبار
في الهوى أصلاً ولا عنه اعتذار

يا حبيبي أنت مثلي في الغرام
قد حرمنا الوصل حساد الأنام
هل من المعقول نسيان الهيام
في جدال مستديمٍ أوملام

يا حبيبي بالوئام والوداد
لن يغيب الحب يوما عن فؤادي
إنّما بالبعد عني والعناد
سوف يحظى الحاسدون بالمراد

يا حبيبي أنت خلّي ونديمي
مثلما أنت جليسي في نعيمي
لا تدع رحماك ندّي أوغريمي
يحرم الأيام من خلٍ حميم
دون جوان

يا دون جوان اسمع بقى
مش كل طير لحمه طري
هجر وجوى غدر وشقا
مش ده الهوى في تصوري

يا عمّ بص ملّيت غزل
مليان خداع وزيف كتير
ملّيت كمان من غير زعل
إنسان لكبره صار أسير

يا عمّ شوف لك أيّ حد
يعشق عينيك بكلمتين
يا عمّ مين قال لك بجد
هنده عليك بغمزتين

يا عمّ لو شهد الكلام
مقدرش أعشق أو أميل
ده الحبّ عندي والغرام
مش بالكلام لو كان جميل




في ناس

في ناس كتيره للأسف
حاسده البشر من غير سبب
حتى اللي بينا من شغف
صار يتحسد والله عجب

ياما انتشر عنّا وكبر
وازداد كلام من حولنا
بسّ الكلام مهما كتر
مش راح يفرّق شملنا

معرفش ليه عند البشر
نقل الخبر أصبح متاح
حتى ولو سبب ضرر
للبعض منّا أو جراح

يا نور عيوني انسى الملام
وانسى الزعل وانسى العذاب
طول ما الغرام هو الغرام
مالناش ملام ملناش عتاب

إصبر حبيبي ع الحسود
واقرأ عليه سورة الفلق
مهما عمل مش راح يسود
هوّ الحسود في يوم صدق
نار غرامك

يا حبيبي نار غرامك
في الحشا قايده وصدري
إنّما أنوار هيامك
في الفضا ضاويه وعمري

يا حبيبي من حنانك
ابتديت أعشق حياتي
وابتديت بسّ في زمانك
أستعيد حبّي لذاتي

يا حبيبي صرت أعشق
بعد حبّك كل وجودي
قبل حبّك لو تصدّق
كنت مداري بجمودي

بسّ لمّا النور هداني
للعيون الحلوه ديّه
عاد وجودي وعاد كياني
حلو من تاني بعينيه




كن قويا

يا حبيبي كن قوياً كن صبورا
إن غدا سر الهوى يوماً جهورا لا تظن السر قد يبقى دهورا إن يدم شهرين أو حتى شهورا

أينما نمشي الهوينا أو نكون
حولنا همسٌ وغمزٌ وعيون
هل تشي الأطيار؟ هل تحكي الغصون؟
أم ترى الأزهار عن حقد تخون

يا حبيبي لن تنل يوماً سلاما
من عذولٍ لم يذق يوماً غراما
كيف تبغي اليوم حباً وهياما
من عذولٍ يملأ الكون ملاما

يا حبيبي كل سرٍ سوف ينقل
إن تعجل كشفه أو إن تأجل
من سيدري قد يكون الكشف أفضل
فالتلاقي قد يكون الآن أسهل




يا مقيماً

يا مقيما في البصر كم أعاني في السفر
من حنيني المستعر كاللجين المنصهر
يا حبيبي كالوتر أو كضوءٍ منكسر
صرت أبدو في السمر في البيادي والحضر

أين منّي يا قدري وصل شوقٍ للسحر
بين وردٍ أو شجر تحت نجمٍ أو قمر
ما تبقى للنظر في الليالي والسهر
غير ماضٍ مختصر في الهدايا والصور

ما لديا يا قمري من مرامٍ أو وطر
غير لقياك العطر دون خوفٍ أو حذر
فارو قلبي كالمطر في القريب المنتظر
فالوصال للبشر كالمياه للشجر








لسّه فاكر

لسّه فاكر يا حبيبي
كلّ حاجه بالتفاصيل
حتى فاكر يا نصيبي
نار لهيبي في المراسيل

كان غرامك عشق عمري
عشق روحي وكل وجودي
كان هيامك جوّه صدري
سرّ صبري وسر صمودي

لسّه فاكر كل قعده
تحت أشجار الخمايل
برضه فاكر كلّ ورده
ع الجبين أو ع الجدايل

لسّه فاكر كلّ رابيه
وكلّ قصة حب جميله
برضه فاكر كلّ ساقيه
وكلّ نسمة شوق عليله

لسّه فاكر كلّ غنوه
وكلّ كلمه وكلّ همسه
برضه فاكر كلّ نشوه
وكلّ بسمه وكلّ لمسه
لسّه فاكر كلّ رحله
في المواني والصحاري
برضه فاكر كلّ جوله
في المداين والبراري

لسّه فاكر كلّ ثانيه
عشتها ويّاك برقّه
برضه فاكر كلّ ناحيه
رحتها ويّاك بجرأه

بسّ يا خساره يا حبّي
كلّ شيء ضاع من إيديه
آه لو ترجع يا قلبي
كنت هفديها بعينيه

بعشق هواك

معقول كده من ده وده تصدق كلام
معقول كده مع ده وده توصّل ملام
لو يا قمر تنسى البشر واللي اتنشر
ده انت القدر خلاّك قمر واحلى خبر

ليه بس تغيب وتسيب حبيب من غير حنان
ليه بس تقيد وتعود تزيد فيّه الهوان
رغم البعاد رغم السهاد بالروح معاك
رغم الفتور رغم النفور بعشق هواك
مهما بكيت من طول جفاك عمري فداك
مهما شكيت من نار قساك عندي ملاك
ده انت الحبيب وانت النصيب وانت النديم
وانت الغرام وانت الهيام وانت النعيم

رجعت ليه

رجعت ليه بعد الهجران
اللي الزمن نسى جراحه
رجعت ليه بعد الحرمان
اللي اختفت عني اشباحه

نسيت عشانك ملامي
وسنين عذابي وهواني
نسيت سهادي وآلامي
ورجعت تاني بحناني

قلت الحبيب مدام جاني
بلا ش نقول ونعيد أسباب
بسّ الغريب رجع تاني
غشاش وخداع وكداب

رجعت ليه بس تحكيلي
عن الحنين اللي في قلبك
رجعت ليه بس تشكيلي
عن العذاب ونار حبك
رجعت ليه وانت ناوي
تبيع غرامي وودادي
رجعت ليه وانت غاوي
ضياع شبابي وفؤادي

قالت

قالت لي الحسناء مغرورةً
هل قلت شعراً قبل أن أظهرا
قلت معاذ الله إذ لم يكن
لي دافعٌ من قبل كي أنثرا
لكنّ قلبي منذ أن زرتني
والشعر فيه فائضٌ أنهرا
لم أدر ما ألقيت فاتنتي
حين اختلسنا بيننا النظرا
هل كان سحراً ما أصبت به
أم كان سهماً منك قد صدرا
كم ليلةٍ أمضيتها أرقاً
للبدر أشكو اليأس والضجرا
ما مرّ بي طيفٌ يشاطرني
سهدي الذي قد جاوز السحرا
حتى التقينا صدفةً سنحت
فاهتز قلبي حينما انبهرا
ما كان وصفٌ للورى يقنعني
حتى أنرت النجم والقمرا
يوم لنا جاد الزمان به
يا صاحبي ما أكرم القدرا
قد صرت من أهل الهوى عندما
شاهدت بدراً حسنه ندرا
في روضةٍ ازهارها هلّلت
والجدول الصافي كذا كبّرا
حبٌ غزا قلبي فأهلا به
لن أشتكي حتى وإن دمرا
ما أروع الحبّ وأغلاله
حذار أن تبلى وان تكسرا
أسرٌ لعمري بتّ في قيده
منعماً بالسعد مستبشرا
من لم يذق طعم الهوى لم يعش
لا عمر إلاّ ما الهوى سطرا
ما الحبّ إلاّ نعمةٌ يا أخي
غيثٌ يعمّ القلب كي يزهرا
فاعشق أخي حتى يحين الردى
ما مات من يهوى وإن قبرا







ملاح

ملاح أنا والبحر ليّه ودود
والموج بساط تحتي بقاله عقود
سواح أنا والبدر ليّه صديق
والليل وشاح خمري بنجمه مضيء

ملاح سنين ويا النسيم والريّاح
جوّه السفين شفت النعيم والملاح
لا في يوم بكيت من نار فراق وبعاد
ولا اشتكيت من طول حنين وسهاد

حتى القدر من غير خبر خلّى القمر
لمّا ظهر وسط البشر بالحب أمر
شفت الجمال شفت الدلال واالمنى
عشت الحنان عشت الأمان والهنا

قدّ الفضا قدّ السما والبحار
عشنا الهوى وحنا سوى ليل نهار زرنا المواني والقرى ع الجبال
لسّه الخطاوي ع الثرى والرمال

بسّ الهوى طار في الهوا والمدى
لمّا الوصول حان والنزول ابتدا
كلّ الغرام تحت السما والشموع
راح واختفى لما انطفى م الدموع
حبي ليك

جايز أكون إنسان بسيط
مملكش مال أو جاه وصيت
بسّ الهوى عندي كبير
قدّ المحيط واكبر كتير

أصل الغرام إحساس جميل
ملوهش زي ولا مثيل
شوف كم ملك أمير وشاه
ساب كلّ شيء عشان هواه

حبّي إليك يا عم شديد
بسّ الغرور خلاّك عنيد
رغم البعاد رغم النوى
صنت الوداد صنت الهوى

يا عمّ ليه قاسي كده
هوّ الغرام بالشكل ده
حتى الغرور ده له حدود
والكبر والعند والصدود

يا عم أنا بعشق هواك
بعشق بهاك بعشق لقاك
بسّ الزمان هيضيع قوام من غير حنان بينا وغرام
خدني الكلام

خدني الكلام فوق للسحاب
على بساط حبّ وغرام
بسّ الحقيقه كان سراب
مكانش أكتر من كلام

ليه خدتني وعشمتني
وقلت لي حبّك هنا
ليه خنتني ليه سيبتني
من غير هواك وحدي هنا

قلت الوداد بينا أكيد
هيكون شديد مهما حصل
قلت الفؤاد هيكون سعيد
والسعد راح يصبح مثل

قلت الحبيب هيكون نصيب
من غير ملاوعه أو خداع
بسّ الغريب حتى العجيب
ما نابني منه غير ضياع

هوّ الغرام كلّه كده
هوّ الغرام شيء مستحيل
ولاّ الغرام من ده وده
رغم العذاب والشوق جميل

فريده

والنبي يا فريده في بهاكي فريده
إنّما يا فريده في حماكي وحيده
ليه كده يا فريده ليه كده يا صبيّه
ياما كنت سعيده ياما كنت هنيّه

يا فريده ده نورك في الدنيا مفيش زيّه
ده القمر بحضورك راح منّه سناه وضيّه
يا ترى إيه جرى لك في ليالي عديده
يا ترى إيه حصل لك تبقيتي شريده

يا فريده الضحكايه على ثغرك بترفرف
وتمللي النسمايه على شعرك بتهفهف
إيه اللي شغل بالك وسهّر عيونك
إيه اللي قلب حالك وشعلل ظنونك

دي القلوب بغرامك وهيامك سهرانه
والعيون بدلالك وجمالك سرحانه
يا فريده عذابك ده باين في عينيكي
ومن كتر غيابك بخاف والله عليكي



ما دام هواك

ما دام هواك نار يا جميل
هتزيد قساك كمان بإيه
وان كان رضاك شيء مستحيل
هحتاج لقاك يا عمّ ليه

هتقوللي إيه بعد الغياب
بعد الصدود بعد الضياع
هتعيد لي إيه بعد العذاب
بعد الجحود بعد الخداع

أصل الغرام والحب وفاق
واصل الهيام والود وئام
عمر الغرام ما كان خناق
عمر الهيام ما كان خصام

لو كان هواك فعلا صحيح
كان قلبي داق طعم الحنان
لو كان لغاك أصلا صريح
كان من زمان حسّ بأمان

يا عمّ إيه خلاّك تكون
قاسي وعنيد بالشكل ده
يا عمّ ليه وياك بهون
هو الغرام عندك كده
ملّيت

بهواك سنين بسّ العناد
خلّى الفؤاد ملّ السهاد
بهواك سنين بسّ البعاد
خلّى الوداد بعدك رماد

ملّيت خلاص م الإنتظار
من غير جواب أو اعتذار
ده الليل معاك أصبح نهار
والحزن صار عندي مزار

مقدرش اكون كبش الفدا
مقدرش اعيش بالشكل ده
ليه الغرام بينا انقضى
من قبل ما حتى ابتدا

سنين ونا بحلم يسود
بينا الوفاق زيّ الوعود
سنين ونا بحلم يعود
بينا الغرام من غير حدود

إن كنت ناوي ع الفراق
قوللي بقى من غير خناق
وان كنت ناوي ع الوفاق
قوللي كده من غير نفاق

يا عمّ روح

يا عمّ روح سيبني في حالي
مش ده الغرام اللي في بالي
يا تحب بجد حب حقيقي
يا تبتعد عن طريقي

ده الكون بحاله يا عنيّه
في كفه والحب في التانيه
بحلم بحب وشوق كبير
زيّ القصص والأساطير

إن كنت مش قده صارح
عشان فتورك ده جارح
ده الحبّ عندي نار قايده
مش ميّه جامده أو بارده

فكّر بقى وشوف لك حل
عشان فؤادي منك مل
إن قلت لك حاجه بتنسى
وان ملت لك برضه بتقسى


لو خاب


لو خاب رجاءك في الحبيب
اللي افتكرته في يوم نصيب
لو داب فؤادك م الصدود
وضاع ودادك م الجحود
اللازمه
إسمع كلام أهل الهوى
ملكش غير صبرك دوى
فيه الشفا فيه النجاه
لو يوم جفا أو طال نواه

لو طال حنين قلبك سنين
وليل سهادك زاد أنين
لا اللوم هينفع والعتاب
مع اللي عشقان الغياب
اللازمه
لو كان حبيبك والزمان
لتنين عليك نازلين هوان
لو خدت هجر ودّيت حنان
وشفت غدر ودّيت أمان
اللازمه
لو عشت طول عمرك أمين
والحبّ كان جواك متين
لو كنت عاشق والحنين
خلاّك تبات الليل حزين
اللازمه

وصف الحبيب

يا ناس حبيبي مستحيل حد يوصفه
أحلى الكلام لو كان جميل لا ينصفه
لكن هحاول باجتهادي أرسمه
عشان تشوفوا ليه فؤادي مغرمه

يا ناس جماله في الزمن ده شيء عجيب
حتى القمر غار واستحى ومش غريب
هوّ الغرام هوّ الهيام هوّ النصيب
مهما حصل مهما جرى هوّ الحبيب

يا ناس حبيبي في الحقيقه والخيال
رمز المحبّه والوداد رمز الجمال
يا ناس ظريف طبعه ولطيف عند الوصال
حتى الزعل زيّ العسل وقت الدلال

يا ناس عفيف حبّه وشريف ومن زمان
لا نار عذاب أو قول عتاب فيه أو هوان
حتى المكان قبل الزمان أصبح أمان
والناس كمان بالنور غمرها والحنان